२०८१ भदौ १९ गते १४:०० 
काठमाडौं । काठमाडौं महानगरपालिका १२ नम्बर वडा र नेपाल आँखा अस्पतालबीच आँखा शिविर सञ्चालन गर्ने सम्झौता भएको छ ।
मंगलबार भएको सम्झौता अनुसार चालु आर्थिक वर्षभरि त्रिपुरेश्वरस्थित नेपाल आँखा अस्पतालमा वडा नम्बर १२ का बासिन्दालाई नि:शुल्क आँखासम्बन्धी स्वास्थ्य सेवा प्रदान गरिनेछ ।
सम्झौतामा वडाको तर्फबाट वडाध्यक्ष बालकृष्ण महर्जन र अस्पतालको तर्फबाट प्रमुख कार्यकारी अधिकारी धर्मराज गोसाईले हस्ताक्षर गरे ।
कार्यक्रममा वडाध्यक्ष महर्जनले यस सम्झौताले वडावासीलाई आँखाको उपचारमा सहजता पैदा गर्ने बताए । अस्पतालका कार्यकारी निर्देशक गोसाईले परीक्षणका रुपमा अहिले उक्त कार्यक्रम सुरु भएपनि भविष्यमा अझ प्रभावकारी बनाइने बताए ।
प्रतिक्रिया 4