२०८१ कात्तिक ८ गते ८:५६ 
८ कात्तिक, काठमाडौं । एएफसीको यू-१७ एसियन कप छनोटको आफ्नो पहिलो खेलमा नेपाल जापानसँग ९-२ को पराकिलो अन्तरले पराजित भएको छ ।
समूह एफ अन्तर्गत कतारको दोहजस्थित एस्पाइर एकेडेमी पिचमा बुधबार राट्टी भएको खेलमा नेपालले सुरुवाती अग्रता लिएको थियो । तर, जापानले पुनरागमन गर्दै गोलको वर्षा गर्यो ।
नेपालका लागि सबिन कुमारले १२औं मिनेटमै गोल गर्दै अग्रता दिलाएका थिए । तरऽ जापानका लागि १७औं मिनेटमा दाइची तानीले बराबरी गोल फर्काए । दाइचीले ३८औं र ४३औं मिनेटमा गोल गर्दै पहिलो हाफमै ह्याट्रिक पूरा गरे । यस्तै हिरोतो असादाले १९औं र पहिलो हाफको इन्जुरी टाइमको दोस्रो मिनेटमा गोल गरे ।
दाइचीले ६१औं मिनेटमा व्यक्तिगत चौथो गोल गरे । असदाले पनि ६४औं मिनेटमा गोल गरी ह्याट्रिक पूरा गरे ।
मिबुकी कासाईले ७३औं र काइजी चवनानले ७७औं मिनेटमा गोल थपे । नेपालका लागि विज्ञान खड्काले खेल सकिन दुई मिनेट अघि गोल फर्काएका थिए ।
समूह एफकै अर्को खेलमा कतारले मंगोलियालाई २-० ले हरायो ।
अब नेपालले आफ्नो दोस्रो खेल शुक्रबार घरेलु टोली कतारसँग खेल्नेछ ।
प्रतिक्रिया 4