२०८१ माघ ३ गते १८:३१ 
३ माघ, काठमाडौं । भारतमा जारी खो खो विश्वकप २०८१ अन्तर्गत महिलातर्फ नेपालले शानदार प्रदर्शन गर्दै शतप्रतिशत जित निकालेको छ । योसँगै नेपाल समूहविजेता बन्दै क्वाटरफाइनलमा प्रवेश गरेको छ ।
नेपाल समूह सी मा सबै चार खेल जितेर समूह विजेताको रुपमा क्वाटरफाईनल पुगेको हो । बिहीबार भएको अन्तिम खेलमा बंगलादेशलाई ८४-२४ ले हराएर नेपाल समूह विजेता बनेको हो ।
खेलमा नेपालकी मानमती धामी उत्कृष्ट अट्याकर घोषित भइन् भने दीपा बिक उत्कृष्ट खेलाडी घोषित भइन् ।
नेपालले यसअघि भुटानलाई ९३-२४ ले पराजित गरेको थियो भने दोस्रो खेलमा जर्मनीलाई ७३-३४ ले पराजित गरेको थियो । त्यसैगरी श्रीलंकालाई ११०-१० ले पराजित गरेको थियो ।
पुरुषतर्फ पनि नेपाल क्वाटरफाईनल प्रवेश गरेको छ ।
प्रतिक्रिया 4