२०८१ फागुन १२ गते ७:४४ 
१२ फागुन, काठमाडौं । इंग्लिस प्रिमियर लिग फुटबलअन्तर्गत गएराति भएको खेलमा लिभरपुलले म्यान्चेस्टर सिटीमाथि सहज जित हासिल गरेको छ । लिभरपुलले सिटीलाई २-० ले हराएको हो ।
सिटीको मैदानमा लिभरपुललाई जिताउन मोहमद सालाह र डोमिनिक सोबोस्लाइले १-१ गोल गरे । दुवै गोल पहिलो हाफमै भएका थिए । बल पोसेसनमा पकड राख्दै थुप्रै अवसरहरू सिर्जना गरेपनि सिटीका लागि सफल हुन सकेन ।
१४औं मिनेटमा सोबवस्लाईको पासमा सालाहले गोल गर्दै पाहुना टोलीलाई अग्रता दिलाएका थिए । ३७औं मिनेटमा सालाहको पासमा सोबोस्लाईले गोल गर्दै अग्रता दोब्बर पारे ।
त्यसपछि दोस्रो हाफमा थप गोल नहुँदा लिभरपुल २-० ले विजयी भयो । जितपछि शीर्षस्थानको लिभरपुलको २७ खेलमा ६४ अंक भएको छ र पराजित सिटी ४४ अंकसहित चौथो स्थानमा छ ।
गएराति नै भएको अर्को खेलमा न्युकासलले नोटिङहाम फरेस्टमाथि ४-३ गोलको रोमाञ्चक जित निकाल्यो ।
प्रतिक्रिया 4