१५ चैत, काठमाडौं । हामी गणतन्त्रवादी र राजावादीहरूले शुक्रबार राजधानी काठमाडौंमा गरेको छुट्टाछुट्टै प्रदर्शनको लाइभ अपडेट गरिरहेका छौं । छिनछिनको अपडेटका लागि हामीसँगै रहनुहोस् ।
९२ ताजा अपडेट
4 days ago, 19:47:06
राजावादीको आरोप- तीनकुनेमा प्रहरीले हामीलाई इरिटेड गरायो
राजसंस्था पुनस्थापनाका लागि संयुक्त जनआन्दोलन समितिका संयोजक नवराज सुवेदीले शुक्रबार दिउँसो तीनकुनेमा प्रहरीले आफूहरूलाई इरिटेड (दिक्क बनाएको) बनाएपछि घटना घटेको बताएका छन् ।
4 days ago, 19:40:15
प्रहरीको बन्दुक खोसेको फोटो खिच्दा अनलाइनखबरकर्मीमाथि राजावादीको आक्रमण
प्रदर्शनकारीहरुले सुरक्षाकर्मीहरुको अश्रुग्याँस प्रहार गरेको बन्दुक खोसेको तस्विर खिच्ने क्रममा रहेका बेला उनलाई प्रदर्शनकारीले हुलहुज्जत गरेका थिए । गौतमका अनुसार, उनलाई धकेलेर मोबाइल समेत खोस्न खोजेका थिए ।
4 days ago, 19:32:10
‘जडीबुटी कम्पनीमा २५ टन तेल छ, आगो ननिभाए ठूलो क्षति हुनसक्छ’
‘उक्त भवनमा २५ टन तेल छ । आगो सल्किएमा जडीबुटी क्षेत्रको ध्वस्त हुनसक्छ’, यादवले अनलाइनखबरसँग भनिन्, ‘आगो निभाउन कतैबाट पनि अहिलेसम्म पहल भएको छैन ।’
4 days ago, 19:28:29
हवाई उडान सुचारु
आन्तरिक तथा बाह्य उडानका जहाजले केही फन्को मारेपछि मात्र अवतरणको पालो पाइरहेका छन् । शुक्रबार साँझ झन्डै एक घण्टा उडान अवरुद्ध भएको थियो ।
4 days ago, 18:50:08
राजावादीको गतिविधिमा समाजवादीको भर्त्सना
समाजवादी मोर्चाले भन्यो- राजावादीको उच्छृङ्खल र अराजक कार्यको घोर भर्त्सना एवं निन्दा गर्दछौं ।
4 days ago, 18:46:20
तीनकुनेको आगलागीमा परी एभिन्युज टिभीका पत्रकारको मृत्यु
तीनकुनेको भवनमा लागेको आगोमा जलेर एक जना पत्रकारको मृत्यु भएको छ । सो भवनको छतमा चढेर टेलिभिजनका लागि दृष्य खिचिरहेका सुरेश रजकको मृत्यु भएको हो ।
4 days ago, 18:43:40
राजावादीले जलाए रास्वपा प्रमुख सचेतकको गाडी
राजावादी प्रदर्शनकारीहरूले राष्ट्रिय स्वतन्त्र पार्टी (रास्वपा)का प्रमुख सचेतक सन्तोष परियारको गाडी जलाएका छन् ।
4 days ago, 18:37:58
दुर्गा प्रसाईंलाई पक्राउ गर्ने तयारी
प्रहरीले तिनकुने प्रदर्शनमा जनकमाण्डर तोकिएका दुर्गा प्रसाईंलाई पक्राउ गर्ने तयारी गरेको छ । प्रसाईंले नेतृत्व गरेको आन्दोलनले हिंसात्मक रुप लिएपछि उनलाई पक्राउ गर्ने निष्कर्षमा प्रहरी पुगेको हो ।
4 days ago, 18:35:25
सुरक्षाकर्मीले कर्फ्युको समयमा हवाई यात्रुलाई सहजीकरण गर्ने
सरकारले तीनकुने क्षेत्रमा घोषणा गरेको कर्फ्युको समयमा हवाई यात्रुलाई भने सुरक्षाकर्मीले सहजीकरण गर्ने भएका छन् ।
4 days ago, 18:28:13
राजावादीको प्रदर्शनबारे माधव नेपाल- पहिल्यै भनेको थिएँ
एकीकृत समाजवादीका अध्यक्ष माधव नेपाल जुन बेला भृकुटीमण्डपमा समाजवादी मोर्चाको गणतान्त्रिक सभालाई सम्बोधन गर्दै थिए, ठिक त्यसै बेला उनको पार्टी कार्यालय तथा भाइको निवासमा आक्रमण हुँदै थियो ।
राजावादीको प्रदर्शन बारे माधव नेपालको अन्तर्वार्ता पढ्नुहोस्-
4 days ago, 18:26:50
राजावादीको प्रदर्शन हिंसात्मक भयो : मानव अधिकार आयोग
अनुगमनको क्रममा राजावादीहरुको आन्दोलन हिंसात्मक देखिएको राष्ट्रिय मानव अधिकार आयोगले बताएको छ ।
4 days ago, 18:25:31
राजावादी आन्दोलन समितिको आरोप– सरकारले घुसपैठ गराई अशान्ति मच्चायो
समितिका प्रवक्ता स्वागत नेपालले विज्ञप्ति जारी गर्दै सत्ताधारीहरूले घुसपैठ गराई अशान्त वातावरण सिर्जना गरेको दावी गरेका हुन् । उनले निजी घरभित्रबाट समेत भएको दमनका कारण आक्रोशित जनसमुदायबाट समेत आत्मरक्षाका लागि प्रतिकार भएको दावी गरेका छन् ।
4 days ago, 18:25:07
प्रदर्शनकारीले फुटाए हिमालय टेलिभिजनको गाडी
समाचार संकलनका लागि सिनामंगल क्षेत्रमा खटिएको बेला बा १९ च ८९६३ नम्बरको गाडीमा प्रदर्शनकारीले आक्रमण गरेका थिए । आक्रमणबाट गाडीको अगाडि र पछाडिको सिसा फुटेको छ ।
4 days ago, 18:24:41
सरकारले भन्यो- दुर्गा प्रसाईंलाई कारबाही गर्छौं
सरकारले राजसंस्था पुनस्थापना लागि संयुक्त जनआन्दोलन परिचालन समितिका कमाण्डर दुर्गा प्रसाईंलाई कारबाहीको दायरामा ल्याइने बताएको छ ।
4 days ago, 18:24:01
सरकारले भन्यो : कानुन उल्लंघन गर्नेलाई कारबाही हुन्छ
सरकारले पूर्वराजाका समर्थकहरूबाट काठमाडौंको तीनकुनेमा भएको हिंसात्मक प्रदर्शनप्रति मन्त्रालयको गम्भीर ध्यानाकर्षण भएको जनाएको छ।
4 days ago, 18:15:31
घाँटीमा लागेको थियो गोली
त्रिवि शिक्षण अस्पतालका निर्देशक डा. सुवास आचार्यका अनुसार महर्जन घाँटीमा गोली लागेर आएका थिए । ‘४:३० बजे अस्पताल आउँदा नै मृत्यु भएको थियो । घाँटीमा गोली लागेको रहेछ,’ आचार्यले अनलाइनखबरसँग भने ।
4 days ago, 18:12:34
राजावादीहरूको प्रदर्शनमा घाइते १ जनाको मृत्यु
मृत्यु हुनेमा कीर्तिपुर बस्ने २९ वर्षीय सविन महर्जन रहेको गृहमन्त्रालयका सहसचिव छवि रिजालले जानकारी दिए ।
4 days ago, 18:04:04
जडीबुटी कम्पनीमा आगजनी, कर्मचारीले भागेर जोगाए ज्यान
राजावादी समूहले तोडफोड र आगजनी गर्न सुरु गरेपछि कर्मचारीहरूले भागेर ज्यान जोगाएको कम्पनीकी महाप्रबन्धक डा. संगीता यादवले जानकारी दिइन् ।
4 days ago, 18:00:11
राजावादी प्रदर्शनमा सुरक्षाकर्मीसहित २२ जना घाइते
प्रहरीले उपलब्ध गराएको अहिलेसम्मको विवरणअनुसार घाइते हुनेहरूको संख्या २२ पुगेको । जसमा सुरक्षाकर्मी र प्रदर्शनकारी दुवैतर्फका घाइते भएका छन् ।
4 days ago, 17:47:39
प्रदर्शनकारीले कोटेश्वर भाटभटेनीबाट लुटे मोबाइल, घडी र महँगा मदिरा
प्रदर्शनकारीहरूले कोटेश्वर भाटभटेनी सुपर स्टोरमा तोडफोड गरेर मोबाइल फोन, घडी, मदिरा जस्ता महँगा सामान लुटेका छन् । भाटभटेनी व्यवस्थापनका एक अधिकारीका अनुसार प्रदर्शनकारीहरू सुरुमा एक दर्जन संख्यामा आएर मूलगेट फुटाएका थिए । त्यसपछि कम्पाउन्डभित्र छिरेर तोडफोड सुरु गरेका थिए ।
4 days ago, 17:44:59
विमानस्थल आसपास प्रदर्शनकारीले आगो लगाए, उडान प्रभावित
प्रदर्शनकारीले विमानस्थल क्षेत्र आसपास लागो लगाएपछि सुरक्षाको कारण देखाउँदै त्रिभुवन अन्तर्राष्ट्रिय विमानस्थलमा उडानहरु रोकिएको छ । प्राधिकरणको मूख्य कार्यालय सिनामंगल अगाडि आगो बालेका थिए । आगो विमानस्थल क्षेत्रभित्र समेत पसेसँगै सुरक्षाका कारण विमानस्थल बन्द भएको हो ।
सुरक्षा आस्वस्त नभएसम्म यो अझै बढ्ने विमानस्थल उच्च स्रोतले जनाएको छ । अहिले अन्तर्राष्ट्रिय उडानका जहाजहरु आकासमै होल्ड गरिएको छ । आन्तरिक उडान भएका छैनन् ।
4 days ago, 17:43:19
प्रदर्शनले करिडोर अस्तव्यस्त
गणतन्त्रवादी र राजतन्त्रवादीको प्रदर्शनले काठमाडौं उपत्यकाका प्रमुख सडकहरूमा यातायात आवागमत अस्तव्यस्त भएपछि करिडोरमा सवारी जाम भएको छ ।
4 days ago, 17:39:54
पत्रकार सम्मेलन गर्दै गृह मन्त्रालय
गृहमन्त्रालयले अहिले साँझ ६ बजे गृह मन्त्रालयमा पत्रकार सम्मेलन आयोजना गरेको छ ।
4 days ago, 17:38:37
प्रधानमन्त्रीले बोलाए मन्त्रिपरिषद्को आकस्मिक बैठक
प्रधानमन्त्री केपी शर्मा ओलीले मन्त्रिपरिषद्को आकस्मिक बैठक बोलाएका छन् । बैठक प्रधानमन्त्रीको सरकारीनिवास बालुवाटारमा बस्ने एक मन्त्रीले जानकारी दिए ।
4 days ago, 17:37:02
कान्तिपुर टेलिभिजनको कार्यालयमा पनि ढुंगा प्रहार
राजावादी आन्दोलनकारीहरूले तीनकुनेस्थित कान्तिपुर टेलिभिजन कार्यालयमा पनि तोडफोड गरेका छन् । आन्दोलनकारीहरूले कान्तिपुर कम्पाउन्ड बाहिरबाट ढुंगा प्रहार गरेका हुन् ।
4 days ago, 17:36:29
दुर्गा प्रसाईंविरुद्ध साइबर ब्यूरोमा उजुरी
मायाको पहिचान नेपालका तर्फबाट उजुरी आएको केन्द्रीय साइबर ब्यूरोका प्रवक्ता तथा एसपी दीपकराज अवस्थीले जानकारी दिए । ‘आज उजुरी आएको छ । अब कानुनी प्रक्रिया अघि बढाउँछौं,’ एसपी अवस्थीले अनलाइनखबरसँग भने ।
4 days ago, 17:36:07
माधव नेपाल निवासमा सुरक्षा तैनाथ बढाइयो
काठमाडौंको कोटेश्वरस्थित एकीकृत समाजवादी पार्टीका अध्यक्ष माधवकुमार नेपालको घरमा सुरक्षा तैनाथ बढाइएको छ ।
4 days ago, 17:34:50
कर्फ्यु लागेसँगै काठमाडौंको सडकमा सेना
नेपाली सेनाको टोली काठमाडौंको सडकमा निस्किएको छ । जिल्ला प्रशासन कार्यालयले कर्फ्यु लगाएसँगै सेनाको टोली सडकमा निस्किएको हो ।
4 days ago, 17:15:51
नेकपा एमालेको कार्यालय नजिक गाडी जलाइयो
नेकपा एमालेको केन्द्रीय कार्यालय च्यासल नजिकै एउटा सवारी साधनमा राजावादी प्रदर्शनकारीले आगजनी गरेको छ ।
4 days ago, 17:10:49
कर्फ्यु सुरु भएपछि प्रहरीको हवाइ फायर
तीनकुने क्षेत्रमा कर्फ्यु सुरु भएपछि प्रहरीले हवाइ फायर गरेको छ । \'कोही घाइते भए हामी जिम्मेवार हुनेछैनौं\' प्रहरीले भनेको छ ।
4 days ago, 16:54:34
गाली गर्दै गाडीले सुरक्षाकर्मीलाई पेल्दै अघि बढेका थिए दुर्गा प्रसाईं
राजावादी आन्दोलनका मुख्य कमाण्डर दुर्गा प्रसाईले सुरक्षाकर्मीलाई गाली गर्दै गाडीले पेल्दै निधेषित क्षेत्र तोडेका थिए । आफैले गाडी चलाउँदै उनी अघि बढेको भीडीओमा समेत देखिएको छ । आओ–आओ भन्दै उनी गाडी चलाउँदै अघि बढेको देखिन्छ ।
4 days ago, 16:41:48
राजावादी आन्दोलन उग्र बनेपछि गृहमा आकस्मिक बैठक
राजावादी समूहको प्रदर्शन उग्र बनेपछि गृहमन्त्रालयमा आकस्मिक बैठक बसेको छ । गृहमन्त्री रमेश लेखक, गृहसचिव सहित सुरक्षा निकायका टोली समेतको बैठक गृहमा बसेको हो । अहिले गृहमा बैठक चलिरहेको र प्रदर्शनको समीक्षा गर्दै अबको योजनाबारे निर्णय हुने गृहमन्त्री लेखकको सचिवालयले जनाएको छ ।
4 days ago, 16:39:18
कोटेश्वर भाटभटेनीमा लुटपाट
प्रदर्शनकारीहरुले कोटेश्वरको भाटभटेनी सुपरस्टोरमा लुटपाट र तोडफोड गरेका छन् । प्रहरीलाई बोलाउँदा पनि नआएको सञ्चालकको गुनासो छ । ‘३ः५८ बजे आईजीपीलाई फोन गरियो । तर अहिलेसम्म कोही आइपुगेन,’ भाटभटेनी स्रोतले भन्यो ।
4 days ago, 16:36:49
एकीकृत समाजवादी कार्यालयमा लागेको आगो नियन्त्रणमा आयो
काठमाडौंको आलोकनगरमा रहेको एकीकृत समाजवादी पार्टी केन्द्रीय कार्यालयमा लागेको आगो नियन्त्रणमा आएको छ । शुक्रबार समाजवादीको पार्टी कार्यालयमा लागेको आगो प्रहरीले नियन्त्रणमा लिएको हो ।
4 days ago, 16:32:19
काभ्रे प्रहरीले लगायो सवारी साधनलाई उपत्यका प्रवेशमा रोक
काभ्रेबाट उपत्यका प्रवेश गर्न प्रहरीले पूर्ण रूपमा रोक लगाएको छ । जिल्ला प्रहरी कार्यालय काभ्रेपलाञ्चोकका प्रमुख एसपि बसुन्धरा खड्काका अनुसार उपत्यकाको सिमाना सांगा भन्ज्याङ र नाला भन्ज्याङमा सवारी साधन रोक लगाइएको छ ।
साथै बिपी राजमार्ग हुँदै काठमाडौं हिंडेका गाडीलाई भकुण्डेवेशीमा र अरनिको राजमार्ग हुँदै काठमाडौं हिडेका गाडीलाई पाँचखालमा होल्ड गरिएको छ ।
4 days ago, 16:29:56
कोटेश्वर प्रहरी चौकीमा आगलागी
राजावादी प्रदर्शनकारीहरूले कोटेश्वर चोकस्थित प्रहरी चौकीमा आगजनी गरेका छन् ।
4 days ago, 16:18:57
काठमाडौंमा कर्फ्यु
काठमाडौंको तीनकुने क्षेत्रमा कर्फ्यु आदेश जारी भएको छ । जिल्ला प्रशासन कार्यालय काठमाडौंले काठमाडौंको शान्तिनगर पुलदेखि मनोहरा खोला पुलसम्म कर्फ्यु आदेश जारी गरेको हो ।
4 days ago, 16:13:57
काठमाडौंका एसएसपी भन्छन्– स्थिति अब चाँडै नियन्त्रणमा आउँछ
जिल्ला प्रहरी परिसर काठमाडौंका प्रमुख तथा एसएसपी अब स्थिती आउने बताएका छन् । ठूलो संख्यामा प्रहरी थप पठाइएकाले र अन्य युनिटबाट समेत थप टोली आएकाले अब स्थिती नियन्त्रणामा आउने बताए ।
4 days ago, 16:11:23
राजावादी मण्डलेहरुको चरित्र काठमाडौंमा देखियोः प्रचण्ड
नेकपा माओवादी केन्द्रका अध्यक्ष पुष्पकमल दाहाल प्रचण्डले राजावादी प्रदर्शनका क्रममा देखिएको गतिविधिलाई मण्डले अराजकता भनेका छन् ।
4 days ago, 16:06:50
अन्नपूर्ण पोस्टको भवनमा आगजनी
अन्नपूर्णपोस्ट रहेको भवनको तल्लो तलामा राजावादी प्रदर्शनकारीहरूले आगजनी गरेका छन् ।
4 days ago, 16:03:48
एकीकृत समाजवादीको कार्यालयमा राजावादीले गरे तोडफोड
राजावादी प्रदर्शनकारीहरूले नेकपा एकीकृत समाजवादीको केन्द्रीय कार्यालयमा तोडफोड गरेका छन् ।
4 days ago, 16:02:53
कोटेश्वर भाटभटेनीमा पनि प्रदर्शनकारीको तोडफोड
राजावादी प्रदर्शनकारीहरूले कोटेश्वर भाटभटेनीमा तोडफोड गरेका छन् ।
4 days ago, 15:57:42
तीनकुने क्षेत्रमा कर्फ्यु लगाउने तयारी
तीन कुने क्षेत्रमा कर्फ्यु लगाउने भन्दै प्रहरीले माइकिङ गरिरहेको छ । प्रदर्शनकारीहरू निजी सम्पत्ति तोडफोड र आगजनीमा उत्रिएपछि प्रशासनले कर्फ्युको तयारी गरेको हो ।
4 days ago, 15:52:03
माओवादी पार्टी कार्यालय छिर्ने प्रयास गर्दै प्रदर्शनकारी
काठमाडौंको तीनकुनेबाट तितरबितर राजावादी समर्थक प्रदर्शनकारीहरू कोटेश्वरमा रहेको नेकपा माओवादी केन्द्रको पार्टी कार्यालय प्रवेश गर्ने प्रयास गरिरहेका छन् ।
4 days ago, 15:46:20
तीनकुनेबाट गाडीमा सुटुक्क बाहिरिए दुर्गा प्रसाईं
जसंस्था पुनर्स्थापना आन्दोलनका कमान्डर दुर्गा प्रसाई एक निजी गाडीमा चढेर तीनकुनेबाट भर्खरै निस्किएका छन् । त्यसअघि तीनकुनेको एक सटरमा बसिरहेका उनलाई लिन गाडी आएको थियो ।
4 days ago, 15:45:14
पेरिसडाँडा आसपास आगजनी र तोडफोड
तीनकुनेबाट तितरबितर भएका प्रदर्शनकारीले पेरिसडाँडा आसपास गाडीमा आगजनी र बाइड तोडफोड गरिरहेका छन् । आगलागी गरेको ठाउँ दुवैतिर घरहरू रहेका छन् ।
4 days ago, 15:30:49
पूर्वराजालाई प्रचण्डको चेतावनी- अर्को गल्ती गरे भोग्न बाँकी केही रहँदैन
नेकपा माओवादी केन्द्रका अध्यक्ष पुष्पकमल दाहाल प्रचण्डले पूर्वराजा ज्ञानेन्द्र शाहलाई अर्को गल्ती नगर्न चेतावनी दिएका छन् । पूर्वप्रधानमन्त्री समेत रहेका अध्यक्ष प्रचण्डले नेपाली जनता र राजनीतिक दललाई कमजोरी ठानेर इतिहासमा फर्कने दुस्साहस नगर्न आग्रह गरेका छन् ।
4 days ago, 15:27:27
स्थानीय युवाले रोके सरकारी गाडीमा आगजनी
कोटेश्वर पेरिसडाडा नजिक सरकारी गाडीमा राजावादी प्रदर्शनकारीले आगो लगाएपछि स्थानीय युवाले प्रतिकार गरेका छन् । स्थानीयले गाडीको आगो निभाएका छन् । फेरि प्रदशनकारी गाडी भएतर्फ गएका छन् ।
4 days ago, 15:25:26
तीनकुने क्षेत्रमा भवनमा गरिएको आगो नियन्त्रणमा
तीनकुने क्षेत्रमा राजावादी प्रदर्शनकारीहरूले लगाएको आगजनी नियन्त्रणमा आएको छ ।
4 days ago, 15:22:34
निजी सम्पत्तिमा आक्रमण नगर्न प्रसाईंको अपिल
राजावादी आन्दोलनको नेतृत्व गरिरहेका दुर्गा प्रसाईंले निजी सम्पत्तिमा आक्रमण नगर्न अपिल गरेका छन् ।
4 days ago, 15:19:31
आन्दोलन नेताको नियन्त्रणमा हुँदैन : रवीन्द्र मिश्र
‘२०४६, २०६२/०६३ को प्रदर्शन हेर्नुभएको छ । कुनै नेताको नियन्त्रणमा थियो ? धनजनको क्षति भएको थिएन ?,’ सञ्चारकर्मीलाई नै प्रतिप्रश्न गर्दै उनले भने, ‘यही भएर नवीन समझदारीमा जाऔँ भनेको हो । नेताको सद्बुद्धि पलाओस् । अन्यथा, यो रोकिनेवाला छैन । यो आन्दोलन तितरतिबर हुँदैन ।’
4 days ago, 15:18:32
भृकुटीमण्डपबाट पूर्वराजालाई माधव नेपालको चेतावनी
4 days ago, 15:12:17
पेरिसडाडा नजिक सरकारी गाडी तोडफोड
कोटेश्वरको पेरिसडाँडा नजिकै राजावादी प्रदर्शनकारीले सरकारी गाडी तोडफोड गरेका छन् ।
4 days ago, 15:09:48
तीनकुनेमा तनाव : महिला सशस्त्र प्रहरीको टाउको फुट्यो
तीनकुनेमा एक महिला सशस्त्र प्रहरीको टाउको फुटेको छ । प्रदर्शनकारीले गरेको आक्रमणमा परेर ती सशस्त्र प्रहरी महिलाको टाउको फुटेको हो ।
4 days ago, 15:06:38
तीनकुनेमा एपीएफको गाडीमा ढुंगामुढा
काठमाडौंको तीनकुनेमा सशस्त्र प्रहरी (एपीएफ) को गाडीमा ढुंगामुढा भएको छ । तीनकुनेस्थित एक घरमा लागेको आगो निभाउन आएको सशस्त्र प्रहरी टोली सवार गाडीमाथि ढुंगामुढा भएको हो ।
4 days ago, 15:02:51
झडप चर्किएपछि तीनकुने क्षेत्रमा पसल बन्द गराउँदै प्रहरी
प्रदर्शनकारीले बन्दुक खोस्ने र आगजनी गर्ने घटना भएपछि शान्तिनगर क्षेत्र अशान्त भएको छ । प्रहरीले पसल र कार्यालयहरू बन्द गराइरहेको छ ।
4 days ago, 15:00:50
प्रदर्शनकारीले खोसे प्रहरीको बन्दुक
तीनकुने क्षेत्रमा राजावादी प्रदर्शनकारीहरूले प्रहरीको बन्दुक खोसेका छन् । अश्रुग्यास प्रहार गर्ने बन्दुक खोसेर प्रदर्शनकारी भिडमा मिसिएका छन् ।
4 days ago, 14:51:01
शान्तिनगरमा जम्मा भएर ढुंगा हान्दै प्रदर्शनकारी
शान्तिनगर क्षेत्रमा राजावादी प्रदर्शनकारीहरू भेला भएर ढुंगा हान्न थालेका छन् । भिडलाई रोक्न प्रहरीले पुनः अश्रुग्यास प्रहार गरेको छ ।
4 days ago, 14:47:53
आगो निभाउन गएको दमकलमाथि ढुंगा प्रहार
प्रदर्शनकारीले गरेको आगो निभाउन गएको दमकलमाथि ढुंगा प्रहार भएको छ ।
4 days ago, 14:46:27
भृकुटीमण्डपमा गणतन्त्रवादीको आमसभा (लाइभ)
4 days ago, 14:45:17
भृकुटीमण्डपमा विप्लवको सम्बोधन
गणतन्त्रवादीहरूको प्रदर्शनमा नेकपा महासचिव विप्लवले सम्बोधन गरिरहेका छन् ।
4 days ago, 14:43:09
प्रहरीको फायरिङ
प्रदर्शनकारीले आगजनी र ढुंगामुढा गरेपछि प्रहरीले फायरिङ गरेको छ ।
4 days ago, 14:38:43
प्रहरीको माइकिङ- घरघर जानुस्, रमिता नहेर्नुस्
तीनकुने पुलदेखि संसद भवनसम्मको क्षेत्रमा प्रहरीले माइकिङ गर्दै खाली गरिरहेको छ । \'घरघर जानुहोस्, रमिता नहेर्नुहोस्\' भन्दै प्रहरीले उक्त क्षेत्र खाली गराइरहेको हो ।
प्रदर्शनकारीहरूले स्थानीयको केही घरमा आगो लगाइरहेका छन् । आगो निभाउने दमकल पुगिसकेको छैन ।
4 days ago, 14:34:00
नयाँबानेश्वरमा सुरक्षा व्यवस्था थप कडाइ
संसद भवन रहेको नयाँबानेश्वर क्षेत्रमा सुरक्षा व्यवस्था कडा पारिएको छ । तीनकुनेबाट राजावादीहरु निषेधित क्षेत्र तोडेर आउन थालेपछि थप सुरक्षाकर्मी थपिएको हो । संसद भवन अगाडिको सडकमा तीन तहमा छेकबार राखिएको छ । पैदलयात्रीलाई पनि रोकिएको छ । संसद भवनको वरिपरि सुरक्षा तैनाथी गरिएको छ ।
4 days ago, 14:32:19
घरबाट कागजात निकालेर आगजनी
तीनकुने क्षेत्रमा राजावादी प्रदर्शनकारीहरूले घरभित्रबाट कागजात निकालेर आगो लगाएका छन् ।
4 days ago, 14:29:32
भृकुटीमण्डपमा सम्बोधन गर्दै नेसपा अध्यक्ष यादव
भृकुटीमण्डपमा चलिरहेको गणतन्त्रवादीको सभामा नेसपा अध्यक्ष महेन्द्रराय यादवले सम्बोधन गरिरहेका छन् ।
4 days ago, 14:26:17
मीनभवनमा तारबार
प्रदर्शनकारीको घुसपेठ हुनसक्ने भन्दै प्रहरीले मीनभवन अगाडि बलियोगरी बार लगाएका छन् ।
4 days ago, 14:24:13
निषेधित क्षेत्र तोड्न उक्साउँदै धवल शम्शेर
अहिले धवल शम्सेर राणाले आफ्ना समर्थकहरुलाई एकत्रित हुन र निषेधित क्षेत्र तोड्न उक्साइरहेका छन् ।
4 days ago, 14:22:57
भृकुटीमण्डपमा पम्फा भुसालको सम्बोधन
‘..२४० वर्षको विरासत २०५८ को हत्याकाण्डले नै अन्त्य भएको थियो । तर, त्यसको केही समयपछि नेपालबाट विधिवत रुपमा राजावादी विदा भएको हो ।’
4 days ago, 14:19:31
तीनकुनेमा भिडन्त, भृकुटीमण्डपमा सांगीतिक प्रस्तुति
तीनकुनेमा राजावादीहरूको प्रदर्शनमा भिडन्त भइरहँदा भृकुटीमण्डपमा गणतन्त्रवादीहरूले सांगीतित प्रस्तुती दिइरहेका छन् । मणि थापा लिखित \'ओ गणतन्त्र\' बोलको गीत गाइरहेका छन् ।
4 days ago, 14:15:08
राजावादीको कार्यकर्ताले तीनकुनेमा रहेका मार्बल हाउसको सिसा फुटाइदियो
तीनकुनेमा भएको राजावादी आन्दोलनमा आएका प्रदर्शनकारीले मार्वल हाउसको सिसा ढुंगाले हानेर फुटाइदिएका छन् ।
तस्वीर : शंकर गिरी/ अनलाइनखबर
तस्वीर : शंकर गिरी/ अनलाइनखबर
4 days ago, 14:14:43
घरका सिसामा ढुंगा हान्दै प्रदर्शनकारी
प्रदर्शनकारीहरूले ढुंगा हान्दा तीनकुनेको मार्बल हाउसको झ्यालको सिसा पूर्ण रूपमा क्षति भएको छ। घर भित्रै प्रवेश गरेर सामान बाहिर फालिरहेका देखिन्छन् ।
घर भित्र प्रहरी रहेको आशंकामा घरमा ढुंगा प्रहार भइरहेको छ । तर प्रहरी देखिंदैन । ढुंगा प्रहारबाट घरको सिसा फुटाइएको छ । घरभित्र मानिसहरू छन्। छतबाट मानिसहरूले प्रहरी नभएको हातको इसाराले भनिरहेका छन् ।
4 days ago, 14:05:54
बानेश्वर क्षेत्रमा सुरक्षा व्यवस्थामा थप कडाइ
कोटेश्वर क्षेत्रमा झडप भएपछि बानेश्वर क्षेत्रमा सुरक्षामा थप कडाइ गरिएको छ ।
4 days ago, 14:04:59
तीनकुनेको तनावपछि स्टेजमा फर्किए दुर्गा प्रसाईं, संयमित हुन आह्वान
प्रदर्शनकारीहरू निषेधित क्षेत्रमा प्रवेश गर्न खोजेको भन्दै प्रहरीले हस्तक्षेप गर्दैै पहिले लाठीचार्ज र पछि अश्रुग्यास प्रहार गरेको थियो । त्यसपछि राजावादीहरूको प्रदर्शनस्थल तनावग्रस्त बनेको थियो ।
[caption id=\"attachment_1650666\" align=\"alignnone\" width=\"1248\"]
default[/caption]
default[/caption]
4 days ago, 14:03:28
ड्रोनबाट यस्तो देखियो राजावादीको प्रदर्शन (तस्वीरहरू)
4 days ago, 13:58:58
प्रदर्शनकारीले क्षति पुर्याएको घर
तिनकुनेमा प्रदर्शन गरिरहेका राजावादी प्रदर्शनकारीहरुले केही व्यक्तिहरुको घरमा ढुंगा हान्न थालेका छन् । प्रहरीले घरबाट अश्रुग्यास प्रहार गरेको भन्दै उनीहरुले ढुंगा र इटा हानेर केही घरका सिसा फुटाइदिएका हुन् । प्रहरीले उनीहरुलाई रोक्ने प्रयास गरिरहेको छ ।
4 days ago, 13:55:18
तिनकुनेको तनावपछि स्टेजमा फर्किए दुर्गा प्रसाईं, संयमित हुन आह्वान
प्रहरीले बल प्रयोग गर्दा राजावादीको कार्यक्रम बिथोलिएको छ । निषेधित क्षेत्र तोड्न खोजेपछि प्रहरीले बल प्रयोग गर्दा तिनकुनेमा तनाव भएको थियो ।
4 days ago, 13:52:06
भिड एकत्रित गर्दै राजावादी नेताहरू
राजावादी नेताहरूले बिथोलिएको भिडलाई एकत्रित गर्ने प्रयास गरिरहेका छन् ।
4 days ago, 13:49:13
तीनकुनेमा व्यक्तिका घर तोडफोड
काठमाडौंको तीनकुनेमा जारी राजावादीहरूको प्रदर्शनमा अवस्था तनावग्रस्त बनेको छ । अहिले त्यहाँ प्रहरीले पानीको फोहोरा र अश्रुग्यास प्रहार गरिरहेको छ ।
https://www.onlinekhabar.com/2025/03/1650646/a-persons-house-was-vandalized-in-tinkune
https://www.onlinekhabar.com/2025/03/1650646/a-persons-house-was-vandalized-in-tinkune
4 days ago, 13:45:07
कार्यक्रम बिथोलिएपछि सम्बोधन स्थल छाडेर हिँडे राजावादी नेता
राजावादीहरूको प्रदर्शन बिथोलिएपछि नेताहरू कार्यक्रमस्थल छाडेर तीनकुनेबाट बाहिरिएका छन् ।
4 days ago, 13:43:13
प्रदर्शनको दिन संसद् बैठक राखेकोमा विपक्षीको आपत्ति
शुक्रबार राष्ट्रिय सभाको बैठक सुरु भए लगत्तै विपक्षी दलहरूले विरोध गरे । त्यसपछि सभाध्यक्ष नारायण दाहालले राष्ट्रिय जनमोर्चाका सांसद तुलप्रसाद विश्वकर्मालाई बोल्न समय दिए ।
4 days ago, 13:38:44
तीनकुनेमा राजावादीको कार्यक्रम बिथोलियो
काठमाडौंको तीनकुनेमा जारी राजावादीहरूको कार्यक्रम बिथोलिएको छ ।
4 days ago, 13:38:03
अश्रुग्यास प्रहारपछि तीनकुने क्षेत्र तनावग्रस्त
अश्रुग्यास प्रहारपछि तीनकुने क्षेत्र तनावग्रस्त ।
4 days ago, 13:28:21
समाजवादी मोर्चाको आमसभा, भृकुटीमण्डप #LIVE
https://www.onlinekhabar.com/2025/03/1650604/this-is-what-the-samajwadi-fronts-demonstration-looked-like-live
4 days ago, 13:27:28
तीनकुनेमा निषेधित क्षेत्र तोड्न खोज्ने केही राजावादीलाई प्रहरीले लियो नियन्त्रणमा
काठमाडौंको तीनकुनेमा राजावादी समर्थकहरूले निषेधित क्षेत्र तोड्न खोजेपछि केही युवालाई प्रहरीले नियन्त्रणमा लिएको छ ।
4 days ago, 13:24:41
राजावादीको प्रदर्शनमा अश्रुग्यास प्रहार
काठमाडौं तिनकुनेमा राजवादीहरुले गरेको प्रदर्शनमा प्रहरीले अश्रुग्याँस प्रहार गरेको छ। निषेधित क्षेत्र तोड्न खोजेपछि प्रहरीले अश्रुग्याँस प्रहार गरेको हो ।
4 days ago, 13:11:06
राजावादीको र्यालीमा आज पनि योगी आदित्यनाथको फोटो प्रदर्शन
राजावादीहरु पृथ्वीनारायण शाह, महेन्द्र, ज्ञानेन्द्र र उत्तरप्रदेशका मुख्यमन्त्री योगी आदित्यनाथको तस्वीरसहित प्रदर्शनमा सहभागी छन् ।
4 days ago, 13:09:54
समाजवादी मोर्चाको र्याली : कुन रुटमा कुन नेताले गर्दैछन् नेतृत्व ?
समाजवादी मोर्चाले काठमाडौंमा प्रदर्शन सुरु गरेको छ । अहिले उपत्यकाका विभिन्न क्षेत्रबाट भृकुटीमण्डपका लागि जुलुस निस्किएका छन् ।
4 days ago, 13:09:20
सुरु भयो समाजवादी मोर्चाको प्रदर्शन
काठमाडौंमा आज गणतन्त्रवादी र राजावादीहरु प्रदर्शनको तयारीका लागि ठाउँ ठाउँमा भेला हुने क्रम सुरु भएको छ ।
4 days ago, 13:08:30
राजावादी–गणतन्त्रवादी प्रदर्शन तयारी : यस्तो देखियो काठमाडौंको सडक
गणतन्त्रवादी र राजावादीहरूले काठमाडौं उपत्यकामा आज गर्न लागेको प्रदर्शन सुरु नहुँदै काठमाडौंको यातायात व्यवस्था प्रभावित भएको छ ।
4 days ago, 13:08:06
तयार भयो समाजवादी मोर्चाको मञ्च, प्रदर्शनीमार्गमा सवारी निषेध
समाजवादी मोर्चाका कार्यकर्ताहरुले प्रदर्शनीमार्गमा मञ्च व्यवस्थापनको तयारी सकेका छन् ।
4 days ago, 13:07:21
राजावादी–गणतन्त्रवादी प्रदर्शन : काठमाडौंमा कति मान्छे उत्रिँदैछन् ? कस्तो छ सुरक्षा प्रबन्ध ?
समाजवादी मोर्चाको सबैभन्दा ठूलो दल माओवादी केन्द्रका एक नेताका अनुसार प्रत्येक प्रदेश कमिटीहरुलाई १०–१० हजारको दरले समर्थक भेला पार्न भनिएको छ । फागुन २५ गते ज्ञानेन्द्र शाहको स्वागतमा धेरै सङ्ख्यामा मानिसहरु भेला हुँदा उत्साहित राजावादीहरुले आज त्योभन्दा धेरै व्यक्तिहरु भेला पार्ने तयारीमा छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
सम्बन्धित खबर
ट्रेन्डिङ
Advertisment
प्रतिक्रिया 4