२०८२ जेठ ९ गते १७:५५ 
News Summary
Generated by OK AI. Editorially reviewed.- श्री भगवती क्लब सहिद स्मारक बी डिभिजन लिगको अन्तिम खेलमा पराजित भएको छ।
- खेलमा सरस्वतीका सविन लुंगेली मगर र नरेश कुमार खत्रीले अन्तिम समयमा गोल गरे।
९ जेठ, काठमाडौं । ए डिभिजन लिगमा बढुवा भएको श्री भगवती क्लब सहिद स्मारक बी डिभिजन लिगको अन्तिम खेलमा पराजित भएको छ ।
दशरथ रंगशालमा भएको अन्तिम खेलमा श्री भगवतीलाई सरस्वती युथ क्लबले पुनरागमन गर्दै ३-२ ले पराजित गरेको हो ।
सरस्वतीका लागि नर्बु तामाङ, सविन लुंगेली मगर र नरेश कुमार खत्रीले १-१ गोल गरे । भगवतीका लागि दुवै गोल विक्रान्त नरसिंह रानाले गरे ।
खेलको ९० मिनेटसम्म २-१ ले अघि रहेको भगवतीले अन्तिमसम्म अग्रता जोगाउन सकेन । इन्जुरी समयमा सविन र नरेशले गोल गर्दै सरस्वतीलाई जिताए ।
यसअघि आज भएको पहिलो खेलमा प्लानिङ ब्वाइजले फराकिलो जित निकाल्दै लिगमा अपराजित रह्यो ।
प्लानिङ र भगवती ए डिभिजनमा बढुवा भएका छन् ।
प्रतिक्रिया 4