दयाहाङले साइन् गरे ‘मिरमिरे’

News Summary

Generated by OK AI. Editorially reviewed.

दयाहाङ राईलाई मुख्य भूमिकामा लिएर ‘मिरमिरे’ नामक सोसल ड्रामा फिल्म निर्माण हुँदैछ।
निर्देशक यम शेर्पाले यसअघि ‘कार्साङ’ निर्देशन गरेका थिए र यस पटक पनि कथावस्तु मनोविज्ञान र ग्रामीण परिवेशमा आधारित छ।
फिल्म २०८२ सालभित्र प्रदर्शनमा आउने तयारी भइरहेको छ।

काठमाडौं । दयाहाङ राईलाई शीर्ष भूमिकामा लिएर फिल्म ‘मिरमिरे’मा निर्माण हुने भएको छ । राईको अघिल्लो फिल्म ‘कार्साङ’ फेम्ड यम शेर्पाले यो सोसल ड्रामालाई निर्देशन गर्नेछन् ।

‘हामीले अहिलेका पहिलो रोजाइका अभिनेतालाई मिरमिरेमा अनुबन्ध गरेका छौँ । यो हाम्रो दोस्रो सहकार्य हो’ निर्देशक शेर्पाले भने, ‘स्टोरी पिच गर्दा मन परेपछि हाम्रो सहकार्य सम्भव भएको हो । अर्को सोसल ड्रामा लिएर हामी आउँदै छौँ ।’

अन्य अभिनय कलाकारबारे खुलाइएको छैन ।

यार्सा फिल्म्सको प्रस्तुति रहने फिल्मले ग्रामीण परिवेशको कथा भन्नेछ । निर्देशकले यसअघि थिम पोस्टर सार्वजनिक गर्दै कथावस्तु मनोविज्ञान र सेटिङबारे जानकारी दिइसकेका छन् । फिल्मको पटकथा पनि शेर्पाकै हुनेछ ।

निमु शेर्पा, छोङ्बा लामा शेर्पा र आङछिरिङ शेर्पा निर्माता रहेको फिल्मको सहनिर्मातामा गोविन्द बोहरा र ईश्वर श्रेष्ठ छन् । कार्यकारी निर्मातामा रोहित कट्टेल छन् ।

यो फिल्म २०८२ सालभित्र प्रदर्शन तयारी छ ।