२० जेठको संसद्‍ बैठक अवरोध गर्छौं : मनिष झा

फाइल तस्वीर

News Summary

Generated by OK AI. Editorially reviewed.

रास्वपा ले २० जेठमा संसद् बैठक अवरोध गर्ने घोषणा गरेको छ।
भिजिट भिसा प्रकरणमा मुछिएका गृहमन्त्रीबारे प्रधानमन्त्रीले जवाफ दिनुपर्ने उनको माग छ।

१५ जेठ, काठमाडौं । राष्ट्रिय स्वतन्त्र पार्टी (रास्वपा) ले २० जेठमा बस्ने प्रतिनिधिसभाको बैठक अवरोध गर्ने भएको छ ।

बुधबार सञ्चारकर्मीहरूसँगको संक्षिप्त प्रतिक्रियामा रास्वपाका कार्यवाहक प्रवक्ता मनिष झाले २० जेठको संसद् बैठक चल्न नदिने बताए ।

जिम्मेवार प्रतिपक्षी दल भएका कारण १५ जेठमा सरकारलाई बजेट प्रस्तुत गर्न दिएको विपक्षी दलहरूको भनाइ छ ।

बुधबारको बैठकमा नेकपा माओवादी केन्द्रका प्रमुख सचेतक हितराज पाण्डेले १५ जेठमा बजेट ल्याउने भनी संविधानमै व्यवस्था गरिएकाले विपक्षी दलहरूले सदन चल्न दिएको बताएका थिए ।

भिजिट भिसा प्रकरणमा गृहमन्त्रीले राजीनामा दिनुपर्ने माग राखेर रास्वपा लगायत विपक्षी दलहरूले यसअघिको संसद्‍ बैठक अवरोध गर्दै आइरहेका छन् ।

झाका अनुसार भिजिट भिसा प्रकरणमा गृहमन्त्रीबारे प्रधानमन्त्रीले जवाफ दिनुपर्ने माग समेत राखेका छन् ।

बुधबार बसेको प्रतिनिधिसभाको दोस्रो बैठकमा सभामुख देवराज घिमिरेले बजेटमाथिको छलफल समय २०-२३ जेठ तय भएको जानकारी गराएका थिए ।