२०८२ जेठ २९ गते १७:०५ 
News Summary
Generated by OK AI. Editorially reviewed.- नेसनल आइडियल बोर्डिङ स्कुलले दोश्रो निब्स एसइइ कप थ्री बाइ थ्री बास्केटबल प्रतियोगिता आयोजना गर्नेछ।
- प्रतियोगितामा २४ ब्वाइज र १२ गल्र्स टिम सहभागी हुनेछन्, विजेताले १० हजार र उपविजेताले ७ हजार पुरस्कार पाउनेछन्।
- खेलहरू मण्डिखाटारस्थित कोर्टमा दुई दिन सञ्चालन हुनेछ र करिब २ लाख रुपैयाँ खर्च हुनेछ।
२९ जेठ, काठमाडौं । नेसनल आइडियल बोर्डिङ स्कुल (निब्स) को आयोजनामा दोश्रो निब्स एसइइ कप थ्री बाइ थ्री बास्केटबल प्रतियोगिता शुक्रबारदेखि हुने भएको छ ।
प्रतियोगितामा ब्वाइजमा २४ तथा गल्र्समा १२ टिमको सहभागिता रहने निब्सका संस्थापक प्रिन्सिपल देवनारायण महतोले बिहीबार आयोजित पत्रकार सम्मेलनमा जानकारी गराए ।
दुवै समूहको विजेताले १० हजार र उपविजेताले ७ हजार नगद पुरस्कार पाउने विद्यालय व्यवस्थापन समितिकी अध्यक्ष रेणु महतोले जानकारी दिइन् । प्रतियोगिता सञ्चालन गर्न करिब २ लाख रुपैयाँ खर्च हुने निब्सका इसीए इन्चार्ज अमृत लामिछानेले बताए ।
खेल लिग कम नकआउट आधारमा हुनेछ । दुईदिने प्रतियोगिताका खेलहरु मण्डिखाटारस्थित आयोजककै कोर्टमा खेलाइने छ ।
प्रतिक्रिया 4