News Summary
Generated by OK AI. Editorially reviewed.- अभिनेता सोनम तोप्देनको खुट्टा फिल्म छायांकनको क्रममा दुर्घटनामा भाँचिएको छ।
- उनी अहिले पोखराको चरक अस्पतालमा उपचार गराइरहेका छन्।
- घटना फिल्मको फाइट दृश्य खिच्ने क्रममा भएको हो र उनको भागको छायांकन अनिश्चित भएको छ।
काठमाडौं । ‘ऐरी’ फिल्म छायांकनको क्रममा अभिनेता सोनम तोप्देनको खुट्टा भाँचिएको छ । देब्रे खुट्टाको गोली गाँठोभन्दा केही माथिबाट भाँचिएपछि अहिले उनी पोखराको चरक अस्पतालमा भर्ना भएर उपचार गराइरहेका छन् ।
ढोरपाटनमा छायांकन भैरहेको फिल्मको फाइटको दृश्य खिच्ने क्रममा दुर्घटना भएको हो । सोनम र प्रदीप खड्काको फाइटको दृश्य खिच्नुपर्ने थियो । प्रदीपले रुखमाथिबाट हामफालेर आफूलाई किक हान्नुपर्ने दृश्य खिच्दा यस्तो घटना भएको सोनमले अनलाइनखबरलाई बताए ।
‘प्रदीपजीले केही अग्लो रुखबाट जम्प गरेर मलाई किक हान्नुपर्ने दृश्य थियो । जम्प गर्दा उहाँको खुट्टा सीधै मेरो खुट्टामा ठोक्कियो र भाँचियो’ अस्पतालबाट सोनमले अनलाइनखबरसँग भने ।
५ दिनअघि सेटमा यस्तो घटना भएपछि सोनमलाई हेलिकोप्टरमा पोखरा लगिएको थियो । उनी अहिले अस्पतालमा बसेर उपचार गराइरहेका छन् । यो घटनापछि सोनमको पार्ट छायांकन अनिश्चित बनेको छ ।
‘निर्देशकले तिमीलाई १ वर्षसम्म भएपनि कुर्छु भन्नुभएको छ’ सोनमले भने । उनको लाइनअपमा यसपछि ‘जलाकी’ फिल्म छ । पहाड उक्लनुपर्ने र नाच्नुपर्नेजस्तो दृश्य भएकाले जलाकीमा पनि उनको सहभागितालाई लिएर सशंय देखिएको छ ।
‘शाम्बाला’पछि सोनम यतिबेला नेपाली फिल्मका विश्वब्यापी अनुहार बनेका छन् । उनी यतिबेला नेपालसहित विदेशमा समेत डिमान्डेड अभिनेता हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4