News Summary
Generated by OK AI. Editorially reviewed.- नागरिक उन्मुक्ति पार्टीले सुदूरपश्चिम प्रदेश सरकारलाई समर्थन फिर्ता लिएको छ।
- संसदीय दलको बैठकले समर्थन फिर्ता गर्ने निर्णय गरेको र मुख्यमन्त्रीलाई पत्र बुझाइनेछ।
- मुख्यमन्त्री कमलबहादुर शाहले उद्योग मन्त्रीलाई बर्खास्त गरेपछि समर्थन फिर्ता भएको हो।
२० असार, काठमाडौं । नागरिक उन्मुक्ति पार्टी (नाउपा) ले सुदूरपश्चिम प्रदेश सरकारलाई दिएको समर्थन फिर्ता लिएको छ ।
नाउपाको शुक्रबार बसेको संसदीय दलको बैठकले सुदूरपश्चिम प्रदेश सरकारलाई दिएको समर्थन फिर्ता लिने निर्णय गरेको प्रदेश संसदीय दलका नेता घनश्याम चौधरीले अनलाइनखबरलाई जानकारी दिए ।
सरकारबाट फिर्ता हुने निर्णय बारेको पत्र मुख्यमन्त्रीले बुझाइने उनले बताए ।
मुख्यमन्त्री कमलबहादुर शाहले बिहीबार उद्योग पर्यटन वन तथा वातावरणमन्त्री रामेश्वर चौधरीलाई बर्खास्त गरेसँगै नाउपाले यो निर्णय गरेको हो ।
सुदूरपश्चिम प्रदेश सभामा कुल ५३ जना सांसदहरू छन् । जसमध्ये नाउपाका ७ सांसदहरू छन् ।
वर्तमान सरकारलाई बहुमतका लागि २७ सांसदको आवश्यक पर्छ । तर कांग्रेसका १८ र सभामुखबाहेक एमालेका ११ जना सांसदहरू छन् । जसका कारणले नाउपाको समर्थन फिर्ताले वर्तमान सरकारलाई कुनै असर गर्दैन । कांग्रेस नेतृत्वको सरकारलाई एमाले र नाउपाको समर्थन थियो ।
प्रदेश सभामा माओवादी केन्द्रको १०, (दीर्घ सोडारी निलम्बन बाहेक) नेकपा एकीकृत समाजवादीका ३, स्वतन्त्र र राप्रपाको १/१ सांसद छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4