होटलमा भारतीय विदेशसचिवसँग भेट गर्दैछन् मधेशवादी दलका नेता

News Summary

Generated by OK AI. Editorially reviewed.

भारतीय विदेशसचिव विक्रम मिश्रीले सोमबार बिहान पशुपति दर्शन गरी नेपाली सेनाको जंगीअड्डा पुगेका थिए।
मिश्रीले बसेको होटलमा मधेशवादी दलका नेताहरुले भेटवार्ता गर्ने कार्यक्रम छ।
मिश्रीले आइतबार प्रधानमन्त्री ओली, राष्ट्रपति पौडेल, कांग्रेस सभापति देउवा र माओवादी अध्यक्ष प्रचण्डसँग भेट गरिसकेका छन्।

२ भदौ, काठमाडौं । भारतीय विदेशसचिव विक्रम मिश्री बसेको होटलमा पुगेर मधेशवादी दलका नेताहरुले भेटवार्ता गर्ने भएका छन् ।

परराष्ट्र मन्त्रालय स्रोतका अनुसार, मिश्रीले सोमबार बिहान पशुपति दर्शन गरेर नेपाली सेनाको जंगीअड्डा पुगेका थिए । त्यसपछि होटलमै केही अनौपचारिक भेटघाट गर्ने भनिएको थियो ।

त्यसक्रममा मधेशवादी दलका नेताहरुसँग भेट हुन लागेको स्रोतले अनलाइनखबरलाई बतायो । केही नेताहरु भेटका लागि होटल पुगिसकेको समेत जनाइएको छ ।

प्रधानमन्त्री केपी शर्मा ओलीलाई भारत भ्रमणको निम्तो दिन आइतबार विदेशसचिव मिश्री काठमाडौं आएका थिए ।

आइतबारै उनले प्रधानमन्त्री ओली, राष्ट्रपति रामचन्द्र पौडेल, नेपाली कांग्रेसका सभापति शेरबहादुर देउवा, विपक्षी दल माओवादी केन्द्रका अध्यक्ष पुष्पकमल दाहाल प्रचण्डसँग भेट गरिसकेका छन् ।

मिश्री दिउँसो साढे २ बजे स्वदेश फर्किने कार्यक्रम छ ।