सत्तापक्ष र प्रतिपक्षमा बस्ने गरी संसद्‍मा नाउपाका छुट्टाछुट्टै दुई पत्र

News Summary

Generated by OK AI. Editorially reviewed.

नागरिक उन्मुक्ति पार्टीका दुई नेताले सत्तापक्ष र प्रतिपक्षमा बस्ने छुट्टाछुट्टै पत्र संसद सचिवालयमा बुझाएका छन्।
सभामुख देवराज घिमिरेलाई २२ असारमा सरकारलाई दिएको समर्थन फिर्ता लिएको पत्र गंगाराम चौधरीले लेखेका थिए।
नाउपाका चार सांसदमध्ये सत्तापक्षमा बस्ने व्यवस्था मिलाउन संसद सचिवालयले नेम प्लेट राख्ने तयारी गरिरहेको छ।

४ भदौ, काठमाडौं । सत्तापक्षमा बस्ने र प्रतिपक्षमा बस्ने गरी नागरिक उन्मुक्ति पार्टी (नाउपा)का छुट्टाछुट्टै पत्र संसद सचिवालय पुगेको छ ।

सभामुखको सचिवालयका अनुसार नाउपाका नेता गंगाराम चौधरीले २२ असारमा सभामुख देवराज घिमिरेलाई पत्र लेखेर सरकारलाई दिएको समर्थन फिर्ता लिएको जानकारी गराएका थिए ।

त्यसको ४५ दिन पछि ३ भदौमा नाउपाकी नेता रञ्जिता चौधरीले अर्को पत्र लेखेर सत्तापक्षमा बस्ने व्यवस्था मिलाइदिन भनेकी हुन् ।

यो विषयमा बुधबार बसेको प्रतिनिधिसभा कार्यव्यवस्था परामर्श समितिको बैठकमा उठेको थियो । संसद सचिवालय स्रोतले एउटै पार्टीका दुई खाले पत्र प्राप्त भएको बताएको थियो । यो विषयमा संसद् सचिवालयले निर्णय भने लिइसकेको छैन ।

अब सत्तापक्षको सिटमा बस्ने हो भने संसद सचिवालयले उनीहरू सोही अनुसारको व्यवस्था मिलाउनुपर्छ । यस निम्ति नाउपाका सांसदहरू कहाँ बस्ने हो ठाउँ छुट्याएर नेम प्लेट राखिदिनुपर्छ ।

प्रतिनिधिसभामा नाउपाका ४ जना सांसद रहेका छन् ।

नेपाली कांग्रेस र नेकपा एमालेले उपसभामुख इन्दिरा राना मगरलाई हटाउने चाहनामा नाउपाको साथ खोजेका छन् । यस निम्ति उनीहरूले मंगलबार नाउपाकी अध्यक्ष रञ्जिता श्रेष्ठसँग छलफल समेत गरेका थिए ।

कांग्रेस र एमालेले छलफलमा बोलाएकै दिन नाउपाकी अध्यक्ष श्रेष्ठले सत्तापक्षमा बस्ने व्यवस्थाका लागि सभामुखलाई पत्र लेखेकी हुन् ।