सलिनसँग अफेयरको चर्चाबारे नम्रता : नखाएको विष लाग्यो

News Summary

Generated by OK AI. Editorially reviewed.

पूर्वमिस नेपाल नम्रता श्रेष्ठले अभिनेता सलिनमान बनियासँग प्रेमसम्बन्धको गसिपलाई झूठो बताएकी छिन्।
नम्रताले भनिन्, 'गसिप मेरो साइडबाट आएको हैन, उहाँकोबाट पनि हैन, यो सानो कुरालाई ठूलो बनाइएको हो।'
उनले थपिन्, 'हामी एकदम मिल्ने साथी हौँ र हाम्रो फिल्म चाँडै आउँछ, दुई जनाको नाम जोड्नुपर्छ जस्तो लाग्दैन।'

काठमाडौं । ३ भदौको राती पूर्वमिस नेपाल नम्रता श्रेष्ठलाई एयरपोर्टमा रिसिभ गर्न अभिनेता सलिनमान बनिया पुगेपछि यो कुराले केही समय राम्रै चर्चा पायो ।

यी दुईबीच प्रेम सम्बन्ध रहेको चर्चा चल्यो । तर, यसबारे नम्रताले प्रष्टीकरण दिएकी छन् ।

एक कार्यक्रममा बोल्दै उनले गसिपहरू झूठो रहेको बताइन् । ‘गसिप मेरो साइडबाट आएको हैन, उहाँकोबाट पनि हैन । यो सानो कुरालाई ठूलो बनाइएको हो’ उनले भनिन् ।

उनी भन्छिन्, ‘त्यो दिन एकजनाको बर्थडे थियो । म आउँदिन, मेरो फ्लाइट ढिला हुन्छ भनेको थिएँ । साढे ८ मा ल्याण्ड हुनुपर्ने फ्लाइट, १० बज्यो । अनि उहाँलाई लिन पठाउनुभएको थियो । बिचरा, कुरेर बस्नु भएको थियो, नखाएको विष लाग्यो । अफयेरको समाचारले म दुखी भएँ ।’

आफूहरूको फिल्म चाँडै आउन लागेकोले पुनः एकसाथ देखिनसक्ने जानकारी उनले दिइन् । ‘त्यसमा दुई जनाको नाम जोड्नुपर्छ जस्तो लाग्दैन मलाई, हामी एकदम मिल्ने साथी हौँ,’ उनले भनिन् ।

सोही कार्यक्रममा उपस्थित सलिनका साथी सलोन बस्नेतले यो समाचार सुनेपछि आफूहरू हाँसेको बताए ।