दयाहाङ-रिश्मा अभिनित ‘रिमै’को प्रिमियर (तस्वीर)

News Summary

Generated by OK AI. Editorially reviewed.

फिल्म ‘रिमै’लाई न्यूरोडस्थित रञ्जना सिनेप्लेक्समा बुधबार अपरान्ह भव्य प्रिमियर गरिएको छ।
फिल्ममा दयाहाङ राई, रिश्मा गुरुङ लगायत कलाकारहरूको अभिनय रहेको छ।
‘रिमै’ शुक्रबारदेखि प्रदर्शन तयारीमा छ र निर्देशक खिलबहादुर गुरुङ हुन्।

काठमाडौं । प्रदर्शन तयारीमा रहेको फिल्म ‘रिमै’लाई भव्य प्रिमियर गरिएको छ । न्यूरोडस्थित रञ्जना सिनेप्लेक्समा बुधबार अपरान्ह आयोजित प्रिमियरमा गुरुङ समुदायको सांस्कृतिक झाँकी समेत प्रस्तुत गरियो ।

अभिनेता दयाहाङ राई र अभिनेत्री रिश्मा गुरुङको वेभभुषामा देखिए । अन्य कलाकार, निर्माता र सेलिब्रेटी पनि सो अवसरमा उपस्थित थिए ।

खिलबहादुर गुरुङ निर्देशित फिल्म गोरखा सिरानचोक एण्ड लिगलिगकोट फिल्मस् प्रालीको प्रस्तुति र रोटेपिङ इन्टरटेनमेन्टको सहकार्यमा निर्माण भएको हो ।

फिल्ममा दयाहाङ र रिश्मासहित अर्पण थापा, गौमाया गुरुङ, कविता आले मगर, माओत्से गुरुङ, पुस्कर गुरुङ, वीरमाया गुरुङ, वीरवल घले, डिबी गुरुङ, टेक गुरुङ र बालकलाकार असिम सुब्बा, प्रेस्टु गुरुङ र प्रश्ना राना मगर लगायतको पनि अभिनय छ ।

उपेन्द्र सुब्बाको पटकथा लेखन रहेको फिल्मलाई शैलेन्द्रध्वज कार्कीले खिचेका हुन् । वीरवल घले कार्यकारी निर्माता रहेको फिल्ममा टीका गुरुङ, जितयात्री गुरुङ र दुनबहादुर घले निर्माता तथा बिनु गुरुङ, रोशन भट्टराई र राजेश घिमिरे सह-निर्मातामा छन् ।

‘रिमै’ शुक्रबारदेखि प्रदर्शन तयारीमा छ ।