दयाहाङ राई अभिनित ‘मिरमिरे’को छायांकन सकियो

News Summary

Generated by OK AI. Editorially reviewed.

अभिनेता दयाहाङ राईले आगामी फिल्म ‘मिरमिरे’को छायांकन काभ्रे र मकवानपुरमा एक महिना लगाएर सकाएका छन्।
निर्देशक याम शेर्पाले भने, ‘अब एउटा गीतको छायांकन गर्न बाँकी छ, समय मिलाएर खिच्नेछौं’।
फिल्मको प्रदर्शन माघ १ गते तय गरिएको छ र यार्सा फिल्म्सको प्रस्तुति रहेको छ।

काठमाडौं । अभिनेता दयाहाङ राईले आगामी फिल्म ‘मिरमिरे’को छायांकन सकेका छन् । एक महिना लगाएर फिल्मको छायांकन सकिएको हो ।

याम शेर्पा निर्देशित यो फिल्मको छायांकन काभ्रे र मकवानपुरमा गरियो । ‘अब एउटा गीतको छायांकन गर्न बाँकी छ । समय मिलाएर खिच्नेछौं’ शेर्पाले अनलाइनखबरसँग भने ।

फिल्मको प्रदर्शन माघ १ गतेलाई तय छ । अभिनेत्री सिर्जना निङलेखुको जन्मदिनको अवसर पारेर यसअघि प्रदर्शन मिति घोषणा गरिएको थियो ।

यार्सा फिल्म्सको प्रस्तुति रहेको फिल्मको शीर्ष भूमिकामा अभिनेता राईसहित प्रकाश सपूत र निङलेखु छन् । अन्य कलाकारमा माओत्से गुरुङ, छुल्ठिम गुरुङ, भोलाराज सापकोटालगायत छन् ।