देशका विभिन्न कारागारबाट फरार ३७ कैदीबन्दी काभ्रेमा पक्राउ

News Summary

Generated by OK AI. Editorially reviewed.

जेनजी आन्दोलनका क्रममा फरार भएका ३७ कैदीबन्दीलाई जिल्ला प्रहरी कार्यालय काभ्रेले नियन्त्रणमा लिएको छ।
पक्राउ परेका कैदीबन्दीलाई सम्बन्धित कारागार कार्यालयहरूमा पठाइएको जिल्ला प्रहरी प्रमुख एसपी कोमल शाहले जानकारी दिए।
पक्राउ परेका कैदीबन्दीमा कर्तव्य ज्यानका १२, जबरजस्ती करणीका ९ र लागुऔषधका ४ जना रहेका छन्।

२९ भदौ, काभ्रेपलाञ्चोक । जेनजी आन्दोलनका क्रममा देशभरिका विभिन्न कारागारहरूबाट फरार भएका ३७ कैदीबन्दीलाई जिल्ला प्रहरी कार्यालय काभ्रेले नियन्त्रणमा लिएको छ ।

३७ कैदीबन्दीहरुलाई जिल्लाका विभिन्न स्थानबाट नियन्त्रणमा लिएर सम्बन्धित कारागार कार्यालयहरूमा पठाईएको जिल्ला प्रहरी कार्यालय काभ्रेका प्रमुख एसपी कोमल शाहले जानकारी दिए ।

पक्राउ परेका मध्ये केन्द्रीय कारागारका १८ जना, डिल्लीबजार कारगारका १४ जना, नख्खु कारागारका ३ जना र सिन्धुली कारागारका २ जना छन् ।

शाहका अनुसार कर्तव्य ज्यानका १२ जना, जबरजस्ती करणीका ९ जना, लागुऔषधका ४ जना, चोरीका ४ तथा अपहरण तथा शरिर बन्धकका २ जना, सवारी ज्यानका २ जना, ओभर स्टे १ जना, ठगिका २ जना र मानव बेचविखनका १ जनालाई सम्बन्धित कारागार कार्यालयहरुमा पठाइएको छ ।