२०८२ असोज ११ गते २१:५६ 
News Summary
Generated by OK AI. Editorially reviewed.- नेपालले यूएईमा सुरु भएको वेस्ट इन्डिजसँगको टी-२०आई शृंखलाको पहिलो खेलमा १४९ रनको लक्ष्य प्रस्तुत गरेको छ।
- कप्तान रोहित पौडेलले ३८ रन बनाए भने कुशल मल्लले ३० रन बनाए।
- वेस्ट इन्डिजका जेसन होल्डरले ४ विकेट लिए भने नविन विदायसीले ३ विकेट लिए।
११ असोज, काठमाडौं । यूएईमा आजदेखि सुरु भएको वेस्ट इन्डिजसँगको टी-२०आई शृंखलाअन्तर्गत पहिलो खेलमा नेपालले वेस्ट इन्डिजलाई मध्यम लक्ष्य दिएको छ ।
टस हारेर पहिले ब्याटिङको निम्तो पाएको नेपालले २० ओभरमा ८ विकेट गुमाएर १४८ रन बनाउँदै १४९ रनको लक्ष्य प्रस्तुत गरेको हो ।
नेपालका लागि कप्तान रोहित पौडेलले ३५ बलमा ३ चौका र १ छक्कासहित सर्वाधिक ३८ रन बनाए । कुशल मल्लले २१ बलमा २ चौका र २ छक्कासहित ३० रन बनाए । गुल्शन झाले २२ रन बनाए । दीपेन्द्रसिंह ऐरीले १७ रन बनाए ।
१२ रनमै २ विकेट गुमेको अवस्थाबाट रोहित र मल्ल मिलेर तेस्रो विकेटका लागि ५८ रनको साझेदारी गरेका थिए । यद्यपी फिनिसिङ राम्रो हुन नसक्दा नेपाल १५० भित्रै रोकियो ।
वेस्ट इन्डिजका लागि जेसन होल्डरले ४ ओभरमा २० रन दिएर ४ विकेट लिए । डेब्यू गरेका नविन विदायसीले ४ ओभरमा २९ रन दिएर ३ विकेट लिए । कप्तान अकिल होसेनले १ विकेट लिए ।
नेपालले हालसम्म आईसीसीको पूर्ण सदस्य राष्ट्रलाई हराउन सकेको छैन। यस योगफल डिफेन्ड गर्दै जित निकालेमा नेपालले इतिहास रच्ने छ ।
प्रतिक्रिया 4