अष्ट्रियाली फिल्ममेकर क्यारोला मायरको उपस्थितीमा काठमाडौंमा ‘हेल वाच’ प्रदर्शन गरिने

News Summary

Generated by OK AI. Editorially reviewed.

अस्ट्रियाकी निर्देशक क्यारोला मायरले काठमाडौं आएर अस्कर कलेजमा डकुमेन्ट्री 'हेल वाच' प्रदर्शन गर्नेछिन्।
अस्कर कलेजमा मायरले नेपाली मिडिया र फिल्ममेकरसँग छलफल गर्नेछन् र '१२ प्रभावशाली महिला' प्रदर्शनीमा सहभागी हुनेछिन्।
मायरको डकुमेन्ट्री प्रदर्शनपछि उनी पोखरा घुमघाममा व्यस्त हुनेछन् र क्यालिओप प्रस्तुति २६ देखि २८ मंसिरसम्म हुनेछ।

काठमाडौं । अस्ट्रियाकी डकुमेन्ट्री तथा छोटो फिल्मकी निर्देशक-निर्मात्री क्यारोला मायर काठमाडौंमा आउने भएकी छिन् । शुक्रबार अस्कर कलेजमा उनी निर्देशित डकुमेन्ट्री ‘हेल वाच’ प्रदर्शन गरिनेछ ।

उक्त फिल्म अष्ट्रियाली लेखक, पर्वतारोही तथा भेडी गोठाले बोडो हेलका बारेमा बनेको काव्यिक पोट्रेट वृत्तचित्र हो । बुधबार काठमाडौं आइपुग्ने उनले शुक्रबारसम्म अस्कर कलेजका कार्यक्रममा भाग लिनेछिन् ।

सोही अवसरमा नेपाली मिडिया र फिल्ममेकरसँग छलफल गर्ने अस्कर कलेजका संयोजक नवनिधि दाहालले जनाए ।

दाहालका अनुसार सो अवसरमा अस्ट्रियाको विदेश मन्त्रालयले छनोट गरेका ‘१२ प्रभावशाली महिला’ को प्रोट्रेट चित्र प्रदर्शनीमा राखिनेछ । फिल्ममेकर मायर पनि उक्त सूचीमा समावेश छिन् ।

वृत्तचित्रको प्रदर्शनी लगत्तै ३ दिने ‘क्यालिओप प्रस्तुति’ को पनि सुरुवात हुने संयोजक दाहालले जनाए । २६ देखि २८ मंसिरसम्म क्यालिओप प्रस्तुति रहने जनाइएको छ ।

आइएमडीबीका अनुसार, मायर निर्देशित डकुमेन्ट्री फिल्महरू प्रिसिअस लिबनसर्ट, लिबेस लिबेन, रे अफ लाइट, वाइल्ड हि आर्ट, स्टोन अफ पिस लगायत चर्चित छन् ।

अस्कर कलेजको कार्यक्रम सकिएपछि मायर पोखरा घुमघाममा ब्यस्त हुनेछिन् ।