नागढुङ्गाबाट खैरो हेरोइनसहित दुई जना पक्राउ

News Summary

Generated by OK AI. Editorially reviewed.

काठमाडौं प्रहरीले चन्द्रागिरि नगरपालिका–२ नागढुङ्गाबाट दुई जनालाई दुई ग्राम खैरो हेरोइनसहित पक्राउ गरेको छ।
चितवनको माडी नगरपालिकाका ५० वर्षीय ज्ञानराज सुवेदीले वैदेशिक रोजगारीमा आकर्षक तलबको प्रलोभनमा रु आठ लाख ठगेको अभियोगमा पक्राउ परेका छन्।
काठमाडौँ महानगरपालिका–९ गौशाला रून्चेडाँडास्थित ओमसहारा गेष्ट हाउसमा रामेछापका ३५ वर्षीय फुर्वा तामाङ मृत फेला परेका छन्।

२६ मंसिर, काठमाडौं । प्रहरीले चन्द्रागिरि नगरपालिका–२ नागढुङ्गाबाट लागुऔषध खैरो हेरोइनसहित दुई जनालाई पक्राउ गरेको छ ।

काभ्रेपलाञ्चोकको पनौती नगरपालिका–८ का २४ वर्षीय सजोल रावत र बेथानचोक गाउँपालिका–३ धुनिखर्कका २५ वर्षीय सरोज तिमल्सिनालाई दुई ग्राम खैरो हेरोइनसहित पक्राउ गरेको हो ।

ठगी गरेको अभियोगमा पक्राउ

वैदेशिक रोजगारीमा आकर्षक तलबको प्रलोभनमा पारी बुल्गेरिया पठाइदिन्छु भन्दै रु आठ लाख ठगेको अभियोगमो चितवनको माडी नगरपालिकाका ५० वर्षीय ज्ञानराज सुवेदी पक्राउ परेका छन् ।

काठमाडौँ महानगरपालिका–९ गौशाला रून्चेडाँडास्थित ओमसहारा गेष्ट हाउसमा रामेछापको दोरम्बा गाउँपालिका–२ का अन्दाजी ३५ वर्षीय फुर्वा तामाङ आज मृत फेला परेका छन् ।