बैंक तथा वित्तीय संस्थाले ‘क्रेडिट रेटिङ’ आधारमा जोखिम भार निर्धारण गर्नुपर्ने

News Summary

Generated by OK AI. Editorially reviewed.

केन्द्रीय बैंकले बैंक तथा वित्तीय संस्थाले ग्राहकको क्रेडिट रेटिङ स्कोरका आधारमा जोखिम भार निर्धारण गर्नुपर्ने व्यवस्था गरेको छ।
ट्रिपल ए रेटिङ पाएका सार्वजनिक संस्थाको जोखिम भार ५० प्रतिशत कायम गर्नुपर्ने केन्द्रीय बैंकले बताएको छ।
डबल ए प्लस र माइनस रेटिङ पाएका संस्थाको जोखिम भार ७० प्रतिशत, ए माइनस पाएका संस्थाको ९० प्रतिशत र ट्रिपल बी प्लस वा रेटिङ नभएका संस्थाको १०० प्रतिशत कायम गर्नुपर्ने व्यवस्था छ।

२९ मंसिर, काठमाडौं । बैंक तथा वित्तीय संस्थाले ग्राहकको ‘क्रेडिट रेटिङ स्कोर’ का आधारमा जोखिम भार निर्धारण गर्नुपर्ने भएको छ ।

केन्द्रीय बैंकले ‘रेटिङ स्कोर’ का आधारमा सार्वजनिक संस्थाहरूको जोखिम भार कायम गर्नुपर्ने व्यवस्था गरेको हो ।

केन्द्रीय बैंकको नयाँ व्यवस्था अनुसार क्रेडिट रेटिङ एजेन्सीले ट्रिपल ए दिएको अवस्थामा त्यस्तो सार्वजनिक संस्थाका हकमा जोखिम भार ५० प्रतिशत कायम गर्नुपर्छ ।

त्यसैगरी डबल ए प्लस र माइनस क्रेडिट रेटिङ स्कोर पाएका संस्थाले ७० प्रतिशत जोखिम भार कायम गर्नुपर्ने छ भने ए माइनस स्कोर पाएका संस्थाका हकमा ९० प्रतिशत कायम गर्नुपर्ने व्यवस्था केन्द्रीय बैंकले गरेको छ ।

त्यस्तै ट्रिपल बी प्लस र त्यसभन्दा कम रेटिङ स्कोर भएका वा रेटिङ नै नगरेका संस्थाका हकमा शतप्रतिशत जोखिम भार गणना गर्नुपर्ने व्यवस्था केन्द्रीय बैंकले गरेको छ ।