थाइल्यान्डमा फेब्रुअरी–८ मा आम चुनाव

News Summary

Generated by OK AI. Editorially reviewed.

थाइल्यान्डमा आगामी फेब्रुअरी–८ मा आम चुनाव हुने मिति थाइ निर्वाचन आयोगले सोमबार तय गरेको छ।
निर्वाचन आयोगले चुनावका लागि दलहरूले यस वर्षको अन्त्य अघि प्रधानमन्त्रीका उम्मेदवारहरूको नाम सुचिकृत गर्नु पर्ने जनाएको छ।
थाइल्यान्ड र कम्बोडियाबिच सीमा विवादमा यस महिना जारी सैन्य झडपमा कम्तिमा ३१ जनाको मृत्यु र करिब आठ लाख विस्थापित भएका छन्।

२९ मंसिर, बैङ्कक । थाइल्यान्डमा आगामी फेब्रुअरी–८ मा आम चुनावको मिती तय भएको थाइ निर्वाचन आयोगले सोमबार जनाएको छ ।

चुनावका लागि दलहरूले यस वर्षको अन्त्य अघि प्रधानमन्त्रीका लागि आफ्ना उम्मेदवारहरूको नाम सुचिकृत गर्नु पर्ने आयोगले जनाएको छ ।

निर्वाचन आयोगले परिस्कृत निर्वाचन विवरणको मस्यौदा तयार पारी प्रक्रिया पुरा गरेर सन् २०२६ फेब्रुअरी–८ आइतबार चुनाव गराउने सहमति जुटाएको आयोगले एक विज्ञप्ति मार्फत् जनाएको छ ।

चुनावको लागि अग्रिम मतदान फेब्रुअरी – १ मा हुने जनाइएको छ ।

रूढिवादी भूमजाइथाई पार्टीका प्रधानमन्त्री अनुतीन चार्नविराकुलले सेप्टेम्बरमा आफ्नन पूर्ववर्तीलाई नैतिकता उल्लङ्घनका कारण हटाइए पछि पदभार ग्रहण गरेका थिए ।

उनले शुक्रबार संसद विघटन गरी राष्ट्रिय चुनावको लागि मार्ग प्रशस्त गर्नु भएको छ भने जुन थाई कानुन अन्तर्गत विघटन पछि ४५ देखि ६० दिनको बीचमा चुनाव हुने व्यवस्था छ ।

यो कदम थाइल्यान्ड र कम्बोडियाबिचको दशकौं लामो सीमा विवादबाट उत्पन्न भएको द्वन्द्वको रूपमा आएको छ, यस महिना जारी सैन्य झडपमा कम्तिमा ३१ जनाको मृत्यु भएको छ भने करिब आठ लाख विस्थापित भएका छन् ।