भारतमा ४०० करोड क्लबमा ‘धुरन्धर’, दोस्रो हप्तामा धेरै कमाउने रेकर्ड

News Summary

Generated by OK AI. Editorially reviewed.

रणवीर सिंह स्टारर बलिउड फिल्म 'धुरन्धर'ले १२ दिनमा भारतीय बक्सअफिसमा ४२५.५० करोड भारु कमाएको छ।
फिल्मले दोस्रो सातामा २०० करोड भारु कमाउने कीर्तिमान राखेको छ, जुन पहिले 'पुष्पा २'को नाममा थियो।
भारतीय विदेश मन्त्रालयको गुप्तचरी अप्रेसनको कथा प्रस्तुत गर्ने यो फिल्मले पाकिस्तानमा पनि चर्चा पाएको छ।

मुम्बई । रणवीर सिंह स्टारर बलिउड फिल्म ‘धुरन्धर’ ले भारतीय बक्सअफिसमा प्रदर्शनको १२ दिनसम्म ४०० करोड भारुभन्दा धेरै कमाइ गरेको छ । आदित्य धर निर्देशित यो फिल्मले मंगलबारसम्म भारतमा ४२५.५० करोड भारु कमाएको छ ।

दोस्रो साताको शुक्रबार ३४.७० करोड भारु, शनिबार ५३.७० करोड भारु, आइतबार ५८.२० करोड भारु, सोमबार ३१.८० करोड भारु र मंगलबार ३२.१० करोड भारु कमाइ गरेको छ ।

भारतीय सिनेमाको इतिहासमा फिल्मले दोस्रो सातामा २०० करोड भारु कमाउने कीर्तिमान समेत रचेको छ । यसअघि यो कीर्तिमान ‘पुष्पा २’ को नाममा थियो, जसले १९९ करोड भारु कमाएको थियो ।

फिल्मले यो शुक्रबार रिलिज हुने ‘अवतार ३’ लाई मात्र होइन, क्रिसमसमा प्रदर्शनमा आउन लागेका अन्य फिल्मलाई समेत चुनौती दिने प्रक्षेपण भारतीय ब्यापार विश्लेषक तरण आदर्शले गरेका छन् ।

रणवीरसहित अक्षय खन्ना, अर्जुन रामपाल, संजय दत्त स्टारर फिल्मले भारतीय विदेश मन्त्रालयले पाकिस्तानमा चलाएको गुप्तचरी अप्रेसनको कथा पेश गर्छ । यो फिल्मले भारतमात्र होइन, पाकिस्तानमा पनि चर्चा बटुलेको छ ।