भाइरल बनेको अक्षय खन्नाको ‘धुरन्धर’ डान्समा आश्मा विश्वकर्माको ‘स्वाग’

News Summary

Generated by OK AI. Editorially reviewed.

नेपाली डान्सर आश्मा विश्वकर्माले बलिउड फिल्म 'धुरन्धर'को गीतमा अक्षय खन्नाको डान्स स्टेपलाई चुनौती दिँदै नयाँ भिडियो सार्वजनिक गरेकी छन्।
अश्माको कालो पहिरन र चस्मामा सजिएको भिडियोले अक्षयको स्वाग र स्टाइललाई फलो गरेको छ र केही घण्टामै लाखौंले हेरेका छन्।
यो भिडियो सामाजिक संजालमा भाइरल भएको छ र दर्शकले सकारात्मक प्रतिक्रिया दिएका छन्।

काठमाडौँ । चर्चित नेपाली डान्सर आश्मा विश्वकर्मालाई यतिबेला ट्रेन्डिङले पछ्याउन छाडिरहेको छैन । यसअघि उनले रामचरणलाई चुनौती दिने गरि दक्षिण भारतीय फिल्म ‘पेड्डी’ मा समावेश गीत ‘चिक्री चिक्री’ माथि भाइरल भिडियो बनाएकी थिइन् ।

त्यो भिडियो नेपाल र भारतमा समेत यति चर्चित भयो कि, सामाजिक संजालमा करोडौंले उक्त भिडियो हेरेका छन् ।

यतिबेला, बलिउड फिल्म ‘धुरन्धर’को एक गीत भाइरल छ जसमा अक्षय खन्नाले केही डान्स स्टेप दिएका छन् । मुकेश खन्ना र रेखाको आइकोनिक गीतबाट प्रभावित उनको यो डान्स स्टेप फिल्मभित्र उनको इन्ट्री गीतको रुपमा प्रस्तुत छ ।

यो अरविक गीतको शब्द दर्शकले बुझ्दैनन् तर, यसको मीठास कम्पोज, लय र नृत्यले दर्शकको मन अवश्य जित्छ । यो गीत अहिले जतासुकै भाइरल छ । लाखौं टिकटक र रिल्स बनिरहेका छन् ।

बहराइनका र्‍यापर फ्लिप्पेराचीले गाएको अरबी ट्रयाक फालामा उक्त गीत आधारित छ ।

यस्तोमा, नेपाली डान्सर आश्माले अक्षय खन्नालाई चुनौती दिने गरि यो गीतमाथि भिडियो बनाएकी छन् । कालो पहिरन र चस्मामा सजिएकी आश्माले अक्षयको जस्तै स्वाग र स्टाइललाई फलो गरेकी छन् ।

विहिबार अपरान्ह सार्वजनिक गरिएको यो भिडियो पनि आकर्षक देखिन्छ । सेयर गरिएको केही घण्टामै यसलाई लाखौंले हेरेका छन् र सकारात्मक प्रतिक्रिया दिएका छन् ।