कांग्रेस पदाधिकारीबाट भीष्मराज मात्रै समानुपातिक सूचीमा

News Summary

Generated by OK AI. Editorially reviewed.

नेपाली कांग्रेसले पदाधिकारीबाट समानुपातिक बन्दसूचीमा सहमहामन्त्री भीष्मराज आङ्देम्बेमात्रै सिफारिस गर्ने निर्णय गरेको छ।
कार्यसम्पादन समितिको बैठकले उनको नाम समेटेर समानुपातिक सांसद उम्मेदवारहरूको सूची बुझाउने तयारी गरेको पार्टी प्रवक्ता डा प्रकाशशरण महतले जानकारी दिए।

१४ पुस, काठमाडौं । नेपाली कांग्रेस पदाधिकारीबाट समानुपातिक बन्दसूचीमा सहमहामन्त्री भीष्मराज आङ्देम्बेमात्रै सिफारिस हुने भएका छन् ।

जारी कार्यसम्पादन समितिको बैठकले उनको नाम समेटेर समानुपातिक सांसदका उम्मेदवारहरूको सूची बुझाउन लागेको पार्टी प्रवक्ता डा प्रकाशशरण महतले जानकारी दिए ।

महतले यसअघि समानुपातिकबाट सांसद भइसकेकाहरू यसपटक कोही पनि समावेश नभएको जानकारी दिए ।

‘यसअघि समानुपातिकमा परिसकेका साथीहरू यसपटक हुनुहुन्न । नयाँ साथीहरू हुनुहुन्छ, अवसर पाउनु भएको छ । जसले संसद्‌मा उल्लेख्य भूमिका खेल्नु सक्नुहुन्छ,’ उनले भने, ‘केन्द्रीय समितिमा भएका साथीहरू पनि छन् । त्यस्तै कांग्रेसमा लामो समयदेखि लागेका तर, कुनै पद नलिएकाहरू पनि छन् । वौद्धिक क्षेत्रबाट पनि हुनुहुन्छ । पदाधिकारीबा६ सहमहामन्त्री भीष्मराज आङ्देम्बेको नाम परेको छ ।’