‘राष्ट्रिय रेसम सम्मेलन’ हुँदै

News Summary

Generated by OK AI. Editorially reviewed.

२६ पुसमा काठमाडौंमा राष्ट्रिय रेशम सम्मेलन आयोजना गरिने घोषणा गरिएको छ।
सम्मेलनमा सरकार, निजी क्षेत्र, बैंक, लगानीकर्ता, गैरआवासीय नेपाली, किसान र उद्यमीहरूलाई एकीकृत गरिनेछ।
ह्यान्डलुम फ्याब्रिक्क मेकर्स अफ नेपालका अध्यक्ष रोशन कुमार पोखरेलले रेशम उद्योग दीर्घकालीन उपेक्षा र लगानीको कमीले सञ्चालनमा नरहेको बताए।

२१ पुस, काठमाडौं । रेसम उद्योगलाई दिगो राष्ट्रिय उद्योगका रूपमा पुनर्स्थापना गर्ने लक्ष्यसाथ ‘राष्ट्रिय रेसम सम्मेलन’ हुने भएको छ ।

ह्यान्डलुम फ्याब्रिक मेकर्स अफ नेपाल र रेसम विकास केन्द्रको सहकार्यमा सम्मेलन हुने भएको हो । सोमबार राजधानीमा एक कार्यक्रम आयोजना गरी २६ पुसमा काठमाडौंमा रेसम सम्मेलन आयोजना गर्ने घोषणा गरिएको हो ।

सम्मेलनमा सरकार, निजी क्षेत्र, बैंक तथा वित्तीय संस्था, लगानीकर्ता, गैरआवासीय नेपाली, विकास साझेदार, किसान, सहकारी, उद्यमी तथा निर्यातकर्तालाई एउटै मञ्चमा एकीकृत गरिने समेत कार्यक्रममा जानकारी दिइयो ।

ह्यान्डलुम फ्याब्रिक मेकर्स अफ नेपालका अध्यक्ष रोशनकुमार पोखरेलले नेपालमा अहिले रेसम उद्योग सञ्चालनमा नरहेको बताए । यसको कारण सम्भावना अभाव नभई दीर्घकालीन उपेक्षा, विखण्डन र लगानीको कमी रहेको उनको भनाइ छ ।

‘विश्व बजारमा दिगो तथा प्राकृतिक बन्न माग बढिरहेका बेला अब रेसमलाई बेवास्ता गर्न सकिँदैन,’ उनले भने ।