कांग्रेसले दीपबहादुर शाहीलाई दियो जुम्लाको टिकट

News Summary

Generated by OK AI. Editorially reviewed.

नेपाली कांग्रेसले २१ फागुनमा हुने प्रतिनिधिसभा सदस्य निर्वाचनका लागि जुम्लाबाट दीपबहादुर शाहीलाई टिकट दिएको छ।
कांग्रेस संसदीय बोर्डको सोमबारको बैठकले दीपबहादुर शाहीलाई टिकट दिने निर्णय गरेको छ।
पहिले कर्णबहादुर शाही र कान्तिका सेजुवालमध्ये एकलाई टिकट दिने चर्चा थियो, तर पछिल्लो परिस्थितिमा दीपबहादुर शाही चयन भएका हुन्।

५ माघ, जुम्ला । नेपाली कांग्रेसले जुम्लाका लागि दीपबहादुर शाहीलाई टिकट दिएको छ ।

२१ फागुनमा हुने प्रतिनिधिसभा सदस्य निर्वाचनको उम्मेदवारका लागि शाहीले टिकट पाएका हुन् । सोमबार बसेको कांग्रेस संसदीय बोर्डको बैठकले उनलाई टिकट दिने निर्णय गरेको हो ।

शाही प्रतिनिधिसभा सदस्यको उम्मेदवारको रूपमा चयन भएको नेपाली कांग्रेस जुम्लाका सचिव अर्जुनसिंह कठायतले जानकारी दिए ।

उनका अनुसार यसअघि जिल्ला सभापति कर्णबहादुर शाही र कान्तिका सेजुवालमध्ये एकले टिकट पाउने चर्चा थियो ।

तर, कांग्रेस पार्टीको पछिल्लो विकसित परिस्थितिपछि जुम्लाका पूर्वसभापति दीपबहादुर शाहीलाई चयन गरेको अर्का सचिव लक्ष्मण शाहीले जानकारी दिए ।

यसअघि नेपाली कांग्रेस जुम्लाले कर्णबहादुर शाही, कान्तिका सेजुवाल, खड्ग सेजुवाल र पूर्ण आचार्यलाई सिफारिस गरेको थियो । चारैजना आकांक्षी देउवा पक्षका थिए ।