२०८२ फागुन २८ गते १३:०८ 
News Summary
Generated by OK AI. Editorially reviewed.- चर्च ब्वाइज युनाइटेडले राष्ट्रिय लिग फुटबलमा कांक्रेविहार क्लबलाई २-१ ले पराजित गरेको छ।
- रिचर्ड कोफी विल्सनले सातौं र ३९औं मिनेटमा गोल गर्दै चर्च ब्वाइजलाई अग्रता दिलाएका थिए।
- सुदेन विश्वकर्माले ६६औं मिनेटमा कांक्रेविहारको लागि एक गोल गरेका थिए।
२८ फागुन, काठमाडौं । विदेशी खेलाडी रिचर्ड कोफी विल्सनले दुई गोल गरेपछि राष्ट्रिय लिग फुटबलमा बिहीबार चर्च ब्वाइज युनाइटेडले सुर्खेतको कांक्रेविहार क्लबलाई पराजित गरेको छ ।
सातदोबाटोस्थित एन्फा कम्प्लेक्समा भएको खेलमा चर्च ब्वाइज २-१ ले विजयी भएको हो । कांक्रेविहारका लागि सुदेन विश्वकर्माले गरेको गोल सान्त्वना बन्यो ।
रिचर्डले खेलको सातौं मिनेटमा गोल गर्दै चर्च ब्वाइजलाई अग्रता दिलाएका थिए । ३९औं मिनेटमा उनले दोस्रो गोल गर्दै पहिलो हाफमा टोलीलाई २-० ले अगाडि राखे ।
दोस्रो हाफको ६६औं मिनेटमा सुदेनले गोल गर्दै खेलमा फर्कने संकेत गरेपनि त्यसपछि थप गोल हुन सकेन ।
जितपछि चर्च ब्वाइजले ८ खेलमा १९ अंक जोडेको छ भने कांक्रेविहारले ९ खेलमा १ अंक मात्र जोडेको छ ।
प्रतिक्रिया 4