मण्डला थिएटरमा ‘चरणदास चोर’ को मञ्चन सुरु

News Summary

Generated by OK AI. Editorially reviewed.

प्रसिद्ध भारतीय नाटककार हबीब तनवीरद्वारा लिखित ऐतिहासिक नाटक ‘चरणदास चोर’ मण्डला थिएटरमा मञ्चन सुरु भएको छ।
नाटक मञ्चन ११ चैतसम्म रहने र हरेक दिन साँझ ५ः१५ बजे तथा शनिवार दिउँसो १ः१५ र साँझ ५ः१५ बजे दुई पटक प्रदर्शन हुने जनाइएको छ।
नाटकको नेपाली संस्करण आशान्त शर्मा र राजन खतिवडाले अनुवाद गरेका हुन् भने निर्देशन मिलन कार्कीले गरेका छन्।

काठमाडौं । प्रसिद्ध भारतीय नाटककार हबीब तनवीरद्वारा लिखित ऐतिहासिक नाटक ‘चरणदास चोर’ को मञ्चन मण्डला थिएटरमा सुरु भएको छ ।

नाटक मञ्चन ११ चैतसम्म रहने जनाइएको छ । सामाजिक ब्यङ्ग्य, लोकशैली तथा नैतिक प्रश्नहरूको गहिरो प्रस्तुति रहेको यस नाटकले दक्षिण एसियाली रङ्गमञ्चमा विशिष्ट पहिचान बनाएको छ । नेपालमा यस कृतिलाई मण्डला थिएटरले विभिन्न चरणमा मञ्चन गर्दै आएको छ ।

नाटकको नेपाली संस्करण आशान्त शर्मा तथा राजन खतिवडाले अनुवाद गरेका छन् । प्रारम्भिक निर्देशन खतिवडाले गरेका थिए । त्यसपछि विकास जोशीले नयाँ दृष्टिकोणसहित नाटकलाई प्रस्तुत गरेका थिए ।

मिलन कार्कीले नाटक निर्देशन गरेका हुन् । यो नाटक हरेक दिन साँझ ५ः१५ बजे मञ्चन हुनेछ भने शनिवार दिउँसो १ः१५ बजे तथा साँझ ५ः१५ बजे गरी दुई पटक प्रदर्शन गरिने छ ।