इनिसालाई न्याय माग्दै हेटाैंडामा प्रदर्शन

News Summary

Generated by OK AI. Editorially reviewed.

मकवानपुरको हेटौंडामा इनिसा विक हत्याका दोषीलाई कारबाहीको माग गर्दै करिब ५ सय विद्यार्थीहरूले प्रदर्शन गरेका छन्।
विद्यार्थीहरूले 'हत्यारालाई कारबाही गर, पीडितलाई न्याय दे, बलात्कारीलाई फासी दे, नारी अस्मिताको रक्षा गर' भन्दै नारा लगाएका थिए।
सुर्खेतको वीरेन्द्रनगरस्थित सामुदायिक वनमा विक मृत अवस्थामा भेटिएकी थिइन् र बलात्कारपछि हत्या भएको आरोप छ।

१ चैत, हेटौंडा । मकवानपुरको हेटाैंडामा इनिसा विक हत्याका दोषीलाई कारबाहीको माग गर्दै विद्यार्थीहरूले प्रदर्शन गरेका छन ।

आइतबार बिहान हेटौंडास्थित विभिन्न क्याम्पसमा अध्ययनरत विद्याथीहरू सडकमा उत्रिएर प्रर्दशन गरेका हुन ।

प्रर्दशनकाे क्रममा विद्यार्थीहरूले `हत्यारालाई कारबाही गर, पीडितलाई न्याय दे, बलात्कारीलाई फासी दे, नारी अस्मिताको रक्षा गर´ भन्दै नारा लगाएका थिए ।

हेटौंडा क्याम्पसका विद्यार्थीहरूकाे नेतृत्वमा भएकाे प्रदर्शनमा मकवानपुर बहुमुखी क्याम्पस, भुटनदेवी मावि, सिद्धार्थ ल क्याम्पसमा अध्ययनरत करिब ५ सय विद्याथीहरू उपस्थित रहेकाे विद्यार्थी नितेश भण्डारीले बताए ।

सुर्खेतको वीरेन्द्रनगरस्थित सामुदायिक वनमा विक मृत अवस्थामा भेटिएकी थिइन् ।

विककाे बलात्कारपछि हत्या भएकाे आराेप लगाउँदै दाेषीलाई कानुनी कारबाहीकाे माग गर्दै देशका विभिन्न ठाउँमा प्रदर्शन भइरहेकाे छ ।