इनिसालाई न्याय माग्दै आज पनि माइतीघरमा प्रदर्शन

News Summary

Generated by OK AI. Editorially reviewed.

सुर्खेतको वीरेन्द्रनगरकी १६ वर्षीया इनिसा विकको सामूहिक बलात्कारपछि हत्या घटनामा संलग्नमाथि कडा कारबाहीको माग गर्दै माइतीघर मण्डलामा प्रदर्शन जारी छ।
नेपाल दलित मुक्ति मोर्चाले उक्त घटनामा निष्पक्ष छानबिन गरी दोषीलाई कारबाही गर्न तेस्रो दिन पनि प्रदर्शन गरेको छ।
प्रदर्शनमा 'इनिसालाई न्याय देऊ', 'बालिकामाथि हुने बलात्कार, हिंसा, हत्या बन्द गर' लगायतका नारा लेखिएका प्लेटकार्ड बोकेको थियो।

१ चैत, काठमाडौं । सुर्खेतको वीरेन्द्रनगरकी १६ वर्षीया इनिसा विकको सामूहिक बलात्कार पछि हत्या भएको भन्दै उक्त घटनामा संलग्नलाई कारबाहीको माग राखेर आज पनि माइतीघर मण्डलामा प्रदर्शन गरिएको छ ।

उक्त घटनामा संलग्नमाथि कडा कारबाही गर्न माग गर्दै माइतीघरमा प्रत्येक दिन प्रदर्शन भइरहेको छ । नेपाल दलित मुक्ति मोर्चाले आइतबार प्रदर्शन गरेको हो ।

मोर्चाले उक्त घटनामा संलग्नमाथि निष्पक्ष छानबिन गरी दोषीलाई कारबाही गर्नुपर्ने माग राखेर तेस्रो दिन पनि प्रदर्शन गरेको हो ।

इनिसालाई न्याय देऊ, बालिकामाथि हुने बलात्कार, हिंसा, हत्या बन्द गर, छुवाछुत विभेद्को पूर्ण अन्त्य गर, महिला र बालबालिकामाथि हुने सबै उत्पिडन र हिंसा बन्द गर लगायत लेखिएको प्लेटकार्ड बोकेर उनीहरूले प्रदर्शन गरेका हुन् ।