तीन पसललाई वाणिज्य विभागले तिरायो जरिबाना

News Summary

Generated by OK AI. Editorially reviewed.

वाणिज्य, आपूर्ति तथा उपभोक्ता संरक्षण विभागले काठमाडौं उपत्यकामा तीन व्यावसायिक फर्मलाई उपभोक्ता ठगी गरेको आरोपमा ४५ हजार रुपैयाँ जरिबाना तिराएको छ।
शंकर खाद्य किराना स्टोर र एसडीआर स्टोरलाई २०–२० हजार रुपैयाँ र गुप्ता गुँदपाक भण्डारलाई ५ हजार रुपैयाँ जरिबाना गरिएको छ।
अनुगमनमा अन्य ३६ फर्मलाई उपभोक्ता अधिकारबारे सचेत गराउँदै सामान्य निर्देशन दिइएको छ।

२४ चैत, काठमाडौं । वाणिज्य, आपूर्ति तथा उपभोक्ता संरक्षण विभागले बजार अनुगमन क्रममा उपभोक्ता ठगी गर्ने तीन व्यावसायिक फर्मलाई जरिबाना तिराएको छ ।

विभागले मंगलबार काठमाडौं उपत्यकाका विभिन्न स्थानमा गरेको अनुगमनमा कैफियत भेटिएपछि तीन पसललाई ४५ हजार रुपैयाँ जरिबाना गरेको हो ।

काठमाडौं महानगरपालिका–१४ कुलेश्वरमा सञ्चालित शंकर खाद्य किराना स्टोर र एसडीआर स्टोरलाई समान २०–२० हजार रुपैयाँ जरिबाना गरिएको छ । त्यसैगरी काठमाडौं–२६ गोंगबुमा रहेको गुप्ता गुँदपाक भण्डारलाई ५ हजार रुपैयाँ जरिबाना तिराइएको छ ।

अनुगमन क्रममा अन्य ३६ फर्मलाई भने सामान्य निर्देशन दिइएको छ । काठमाडौंका नयाँ बसपार्क, चाबहिल, टोखा तथा ललितपुर चापागाउँ क्षेत्रमा सञ्चालित किराना पसल, फेन्सी स्टोर, मोबाइल पसल, कस्मेटिक पसल, खाद्य स्टोर लगायत व्यवसायलाई उपभोक्ता अधिकारबारे सचेत गराउँदै सामान्य निर्देशन दिइएको छ ।