२०८३ जेठ १५ गते १५:४८ 
News Summary
Generated by OK AI. Editorially reviewed.- काभा महिला भलिबल च्याम्पियनसिपको तेस्रो स्थानका लागि भएको खेलमा भारतले नेपाललाई ३-१ सेटले पराजित गरेको छ ।
- भारतसँग पराजित भएसँगै आठ टोली सहभागी यस प्रतियोगितामा नेपाल चौथो स्थानमा सीमित भएको छ ।
- यस प्रतियोगितामा नेपाल भारतसँग दोस्रो पटक पराजित भएको हो भने यसअघि समूह चरणमा पनि ३-२ सेटले हारेको थियो ।
१५ जेठ, काठमाडौं । काभा महिला भलिबल च्याम्पियनसिपमा भारत तेस्रो भएको छ । त्रिपुरेश्वरस्थित दशरथ रंगशाला कभर्डहलमा शुक्रबार तेस्रो स्थानको लागि भएको खेलमा भारतले नेपाललाई ३-१ सेटमा हरायो ।
यो हारपछि ८ टोली सहभागी च्याम्पियनसिपमा नेपाल चाैथो भएको छ । भारतले सुरुवाती दुई सेट २५-२२ र २५-२३ ले आफ्नो पक्षमा पार्दै २-० को अग्रता बनाएको थियो ।
तर तेस्रो सेटमा नेपालले पुनरागमन गर्यो । नेपालले सुरु देखि नै अग्रता बनाउँदै तेस्रो सेट २५-१५ ले आफ्नो पक्षमा पार्यो । तर चाैथो सेट भारतले २५-२२ ले जित्दै खेल जितेको हो ।
यस प्रतियोगितामा नेपाल दोस्रो पटक भारतसँग पराजित भएको हो । समूहको पहिलो खेलमै नेपाल भारतसँग ३-२ ले पराजित भएको थियो ।
समूह चरणको हारको बदला लिने नेपालको लक्ष्य पूरा हुन सकेन ।
प्रतिक्रिया 4