एभरेस्ट कलरको आईपीओ बाँडफाँट

News Summary

Generated by OK AI. Editorially reviewed.

एभरेस्ट कलर लिमिटेडको प्राथमिक सेयर (आईपीओ) बिहीबार बाँडफाँट भएको छ, जसमा ६५ हजार ५७० जनाले १० कित्ताका दरले सेयर पाएका छन् ।
कम्पनीको आईपीओमा आवेदन दिएका कुल २६ लाख ४१ हजार ९५९ जनाको आवेदन स्वीकृत भएको बिक्री प्रबन्धक मुक्तिनाथ क्यापिटलले जनाएको छ ।
सर्वसाधारणका लागि अंकित मूल्य १०० रुपैयाँका दरले ६ लाख ५५ हजार ७०० कित्ता सेयर निष्कासन गरिएको थियो ।

४ असार, काठमाडौं । एभरेस्ट कलर लिमिटेडको प्राथमिक सेयर (आईपीओ) बिहीबार बाँडफाँट भएको छ। सेयर निष्कासन तथा बिक्री प्रबन्धक मुक्तिनाथ क्यापिटलले एक औपचारिक कार्यक्रम गरी आईपीओ बाँडफाँट गरेको हो ।

जेठ २२ गतेदेखि २७ गतेसम्म सर्वसाधारणका लागि यस कम्पनीको आईपीओ खुलेको थियो । आईपीओमा आवेदन दिएका मध्ये २६ लाख ४१ हजार ९५९ को सदर भएको थियो । सदर भएका आवेदनमध्ये ६५ हजार ५७० जनाले १० कित्ताका दरले पाएका छन् ।

कम्पनीले अंकित मूल्य १०० रुपैयाँका दरले ६ लाख ५५ हजार ७०० कित्ता सेयर सर्वसाधारणका लागि निष्कासन गरेको थियो । आईपीओको नतिजा सीडीएससीको वेबसाइटमार्फत हेर्न सकिनेछ ।

गत पुस मसान्तसम्मको अपरिस्कृत वित्तीय विवरणअनुसार कम्पनीको प्रतिसेयर आम्दानी ८.३७ रुपैयाँ छ । त्यस्तै प्रतिसेयर नेटवर्थ १०४.०९ रुपैयाँ छ । सञ्चित नाफा ९० लाख रुपैयाँ बराबर रहेको छ । क्रेडिट रेटिङबाट कम्पनीले बीबी प्लस रेटिङ पाएको छ ।