News Summary
Generated by OK AI. Editorially reviewed.- कोशी प्रदेशका पाँच जिल्लाबाट लागुऔषध कारोबारमा संलग्न आरोपमा आइतबार १३ जना पक्राउ परेका छन् ।
- प्रहरीले उनीहरूका साथबाट ब्राउन सुगर, प्रतिबन्धित औषधि, गाँजा र ४ वटा दुईपाङ्ग्रे सवारीसाधन बरामद गरेको छ ।
- पक्राउ परेका अभियुक्तहरूलाई लागुऔषधसम्बन्धी कसुरमा थप अनुसन्धान तथा कानुनी कारबाहीका लागि हिरासतमा राखिएको प्रहरीले जनाएको छ ।
७ असार, सुनसरी । लागुऔषध कारोबार तथा ओसारपसारमा संलग्न भएको आरोपमा झापा, मोरङ, धनकुटा, उदयपुर र सुनसरीबाट १३ जना पक्राउ परेका छन् ।
पक्राउ पर्नेमा झापाको गौरादह नगरपालिका–२ का ३१ वर्षीय विवेक राजवंशी, २८ वर्षीय रेगन राजवंशी, ३१ वर्षीय संजयकुमार राजवंशी, बिर्तामोड–९ का ३५ वर्षीय राजकुमार कामती र उनकी श्रीमती मनिका कामती रहेका छन् ।
यसैगरी पक्राउ पर्नेमा धनकुटा नगरपालिका–७ का २९ वर्षीय दर्शन राई, धनकुटा–१० का २८ वर्षीय नमुनेश भुजेल, सहिदभूमि गाउँपालिका–२ का २३ वर्षीय आयुष राई र उदयपुरगढी गाउँपालिका–६ का ३० वर्षीय नरबहादुर पुलामी मगर रहेका छन् ।
यसैगरी पक्राउ पर्नेमा मोरङको कानेपोखरी–७ का २७ वर्षीय समिर राई, विराटनगर महानगरपालिका–१७ का २५ वर्षीय सोहराब आलम, सुनसरीको धरान–११ का २४ वर्षीय मियोङ लिम्बु र धरान–१५ का २० वर्षीय एमिल राई रहेका छन् ।
आइतबार पक्राउ परेका उनीहरूको साथबाट ब्राउन सुगर, प्रतिबन्धित औषधि, गाँजा र ४ वटा दुई पाङ्ग्रे सवारीसाधन बरामद गरिएको प्रहरीले जनाएको छ ।
पक्राउ परेका सबै अभियुक्तलाई लागुऔषधसम्बन्धी कसुरमा थप अनुसन्धान तथा कानुनी कारबाहीका लागि हिरासतमा लिइएको कोशी प्रदेश प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4