२०८३ भदौ ३ गते १६:५६ 
News Summary
Generated by OK AI. Editorially reviewed.- भारत–श्रीलंका पहिलो टेस्टमा यशस्वी जैसवाल र निरोशन डिक्वेलाबीचको रमाइलो संवादपछि डिक्वेला १७ बलमा १२ रन बनाएर आउट भए।
- ३७२ रनको लक्ष्य पछ्याइरहेको श्रीलंकाका डिक्वेलालाई प्रसिद्ध कृष्णाको बलमा ऋषभ पन्तले क्याच आउट गरेका थिए।
- आउटपछि भारतीय खेलाडीहरूले विकेटमा जैसवालको दबाबको भूमिका रहेको भन्दै उनलाई हडलमा बधाई दिएका थिए।
३ भदौ, काठमाडौं । भारत र श्रीलंकाबीचsJ पहिलो टेस्टमा यशस्वी ज}सवाल र निरोशन डिकवेलाबीचको रमाइलो संवाद विकेटमा पुगेर टुंगिएको छ । जैसवालले हुक सट खेल्न भनेर जिस्काएको दुई बलपछि डिक्वेला प्रसिद्ध कृष्णाको बलमा आउट भएका हुन्।
श्रीलंकाले ३७२ रनको लक्ष्य पछ्याइरहेका बेला जेसवाल स्क्वायर लेगबाट डिक्वेलानजिक पुगेर उनलाई शर्ट बलमा हुक सट खेल्न उक्साइरहेका थिए । डिक्वेलाले पहिलो इनिङमा ८० रन बनाए पनि धेरै आक्रामक शट नखेलेको भन्दै जैसवालले उनलाई जिस्काएका थिए ।
‘पहिलो इनिङमा धेरै शट थिएनन् । मैले केही हेर्नुपर्छ’ जैसवालले भने । त्यसपछि गाले म्युनिसिपालिटी स्ट्यान्डतर्फ देखाउँदै उनले डिक्वेलालाई भने, ‘त्यहाँ हान, मलाई केही हेर्न मन छ ।’
डिक्वेलाले आफू जैसवाल नभएको भन्दै हुक सट आफ्नो नियमित खेल नभएको जवाफ दिए । त्यसपछि भने उनले ठट्टा गर्दै भने, ‘यदि तिमीले मलाई आईपीएलमा लैजान्छौ भने गर्छु ।’
जैसवालले पनि तत्कालै ‘म तिमीलाई १०० प्रतिशत लैजान्छु’ भन्दै जवाफ दिए । त्यसपछि उनले राजस्थान रोयल्सका मुख्य प्रशिक्षक तथा क्रिकेट निर्देशक कुमार संगाकाराको नामसमेत जोडे । ‘यदि तिमीले त्यो स्ट्यान्डमा हान्यौ भने म साङ्गालाई पक्कै भन्छु’ जैसवालले भने ।
रोचक कुरा, डिक्वेला र संगाकाराबीच पुरानै सम्बन्ध छ । दुवै श्रीलंकाको प्रसिद्ध ट्रिनिटी कलेज, क्यान्डीका उत्पादन हुन् । संगाकाराले आफ्नो खेलाडी जीवनको अन्तिमतिर डिकवेलासँग श्रीलंकाको टेस्ट टोलीमा पनि खेलेका थिए ।
तर डिकवेलाले जैसवालको चुनौती स्वीकार गर्दै हुक सट भने खेलेनन् । कृष्णाले लगातार शर्ट बल फ्याँकेपछि डिकवेलाले अर्को बलमा कट प्रहार गर्न खोजे । शरीरनजिक आएको बललाई खेल्ने क्रममा उनी ब्याकफुटमा सर्दा बलले ब्याटको किनारा लियो र ऋषभ पन्तले क्याच लिए ।
डिकवेला १७ बलमा १२ रन बनाएर आउट भए । उनको विकेटपछि भारतीय खेलाडीहरूले भने जैसवाललाई पनि बधाई दिए । जडेजा, मानव सुथर र पन्तलगायत खेलाडीले जैसवालले डिकवेलालाई दबाबमा पारेकै कारण विकेट आएको जस्तो गरी उनलाई हडलमा बधाई दिएका थिए ।
यद्यपी विकेटमा जेसवालको प्रत्यक्ष भूमिका थिएन । कृष्णाको बलमा कट खेल्दा डिक्वेलाले दिएको किनारा पन्तले समातेका थिए । तर मैदानमा भएको रमाइलो संवादले विकेटलाई थप रोचक बनाएको थियो ।
डिक्वेला श्रीलंकाली क्रिकेटमा मैदानभित्र धेरै बोल्ने खेलाडीका रूपमा परिचित छन् । यसअघि पनि उनी विपक्षी खेलाडीसँगको ठट्टा र संवादका कारण चर्चामा आएका छन् ।
सन् २०१७ मा कोलकातामा भारतविरुद्धको टेस्टमा पनि उनले लामो समय विपक्षी खेलाडीसँग कुराकानी गरेका थिए । त्यतिबेला एक श्रीलंकाली खेलाडीले उनलाई कम बोल्न भनेपछि डिक्वेलाले, ‘चिन्ता नगर, म उनीहरूको समय पनि खेर फालिरहेको छु,’ भन्दै जवाफ दिएका थिए ।
प्रतिक्रिया 4