२५ असोज, काठमाडौं । मौसम विज्ञान विभागको बाढी पूर्वानुमान महाशाखाले बूढीगण्डकी नदीमा आकस्मिक बाढीको सतह घटबढ भइरहेको जनाएको छ ।
त्यसैले बूढीगण्डकी करिडोरमा जोखिम कायमै रहेको महाशाखाका बाढीविद् विनोद पराजुलीले बताए । बेनीघाट भन्दा तल (त्रिशूली नदी) क्षेत्रमा भने जोखिम खासै नरहेको उनको भनाइ छ ।
पराजुलीका अनुसार बूढीगण्डकी नदीको आकस्मिक बाढीले गोरखाको आरुघाटमा ७ बजेर ५० मिनेटमा खतराको तह पार गरेको थियो । तर अहिले खतराको तहभन्दा केही घटेको छ ।
आरुघाटमा ५ मिटरसम्म बाढीको सतह आएमा खतराको तह मानिन्छ । तर ७ बजेर ५० मिनेटमा बाढीको सतह ५.१ मिटर पुगेको थियो ।
जोखिम कायम रहेकाले त्रिशूली नदी दोभानसम्म सतर्कता अपनाउनुपर्ने उनले बताए । त्यसैले बाढी पूर्वानुमान महाशाखाले नदी छेउछाउ नजान र उच्च स्थानमा बस्न सुझाव दिएको छ ।
बाढीविद पराजुलीका अनुसार बाढीको सतह बढ्ने र घट्ने गरिरहेको छ । नदी थुनिने र फुट्ने गरिरहेकाले बाढीको सतह घटबढ भइरहेको अनुमान गरिएको छ ।
त्यसैले बूढीगण्डकी करिडोरमा जोखिम कायम रहेको पराजुलीले बताए । ‘बूढीगण्डकीको अधिकांश भाग साँघुरो भएकाले सतह बढेर थप क्षति पुग्नसक्छ,’ पराजुलीले भने ।
बेनीघाटभन्दा तलबाट त्रिशूलीमा मिसिने भएकाले त्रिशूली क्षेत्रमा बाढीको सतह सामान्य बढे पनि खासै जोखिम नहुने पूर्वानुमान गरिएको उनले बताए ।
पराजुलीले अनलाइनखबरसँग भने, ‘अहिलेकै अवस्थामा त्रिशूलीमा बाढीको सतह करिब एक मिटर बढ्न सक्ने अनुमान छ । त्यसैले त्रिशूली क्षेत्रमा खासै जोखिम हुँदैन ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4