लमजुङमा भूकम्पको धक्का महसूस

२३ माघ, काठमाडौं । लमजुङमा पुनः भूकम्पको धक्का महसूस गरिएको छ ।

लमजुङको दोर्दी गाउँपालिका-८ बन्सार केन्द्र विन्दु भएर आइतबार अपहान्ह ३:२७ बजे ३.२ रेक्टर स्केलको भूकम्प गएको राष्ट्रिय भूकम्पमापन तथा अनुसन्धान केन्द्रले जनाएको छ ।

जिल्लाका विभिन्न स्थानमा भूकम्पको धक्का महसूस गरिएको स्थानीयवासीले बताएका छन् ।

जिल्लामा यसअघि क्व्होलासोथर गाउँपालिका-१ बागलुङपानी केन्द्रविन्दु बनाएर यही माग १३ गते राति १० बजेर ३४ मिनेट जाँदा २.५ रेक्टर स्केलको भूकम्प गएको थियो ।

गत जेठ ५ गतेयता महिनैपिच्छे भूकम्पका धक्का महसुस हुने गरेको छ । सो यता हालसम्म साना ठूला गरेर १५० भन्दा बढी पटक भूकम्प गएको राष्ट्रिय भूकम्पमापन तथा अनुसन्धान केन्द्रले जनाएको छ ।