२०८१ फागुन २६ गते १३:०४ 
२६ फागुन, काठमाडौं । लुम्बिनी प्रदेशमा जारी प्रधानमन्त्री कप पुरूष राष्ट्रिय क्रिकेट प्रतियोगितामा आज पनि तीन खेलहरू भइरहेका छन् ।
सिद्धार्थनगरस्थित सिद्धार्थ क्रिकेट मैदानमा त्रिभुवन आर्मी क्लब र बागमती प्रदेशबीचको खेल भइरहेको छ । आर्मीले बागमतीलाई २६३ रनको लक्ष्य दिएको छ ।
टस जितेर पहिले ब्याटिङ गरेको आर्मीले ५० ओभरमा ७ विकेट गुमाएर २६२ रन बनायो । सन्तोष कार्कीले सर्वाधिक ७६ रन बनाए । कप्तान विनोद भण्डारी ४७ रनमा अविजित रहे । तृत राज दासले ३६ रन बनाए ।
बागमतीका लागि इशान पाण्डेले ३.४ ओभरमा ११ रन दिएर २ विकेट लिए । रिजन ढकाल र प्रतिश जिसीले पनि समान २ विकेट लिँदा सोनु देवकोटाले १ विकेट लिए ।
यसअघि बागमती पहिलो खेलमा एपीएफसँग पराजित भएको थियो । आर्मीले भने आज पहिलो खेल खेल्दै छ ।
प्रतिक्रिया 4