१८ वैशाख, काठमाडौं । वाणिज्य, आपूर्ति तथा उपभोक्ता संरक्षण विभागले बुधबार २ उद्योगलाई १ लाख २० हजार रुपैयाँ जरिबाना तिराएको छ ।
विभागले नियमित अनुगमन अन्तर्गत ११ उद्योग तथा फर्म अनुगमन गर्दा २ उद्योग तथा फर्मलाई उक्त जरिबाना तिराएको हो ।
अनुगमन क्रममा विभागले काठमाडौं महानगरपालिका–२७ को सन इन्टरनेसनल इन्कर्पोरेट प्रालिलाई १ लाख रुपैयाँ र ललितपुर महानगरपालिका–१३ को नवीना सप्लायर्सलाई २० हजार रुपैयाँ जरिबाना तिराएको जनाएको छ ।
सन इन्टरनेसनलले डेरी प्रडक्टहरूमा मूल्यसूची र दर्ता प्रमाणपत्र नराखेको भन्दै विभागले उपभोक्ता संरक्षण ऐन २०७५ को दफा ३८ (ट) को कसुर र सोही ऐनको दफा ३९ को १ (घ) बमोजिम तथा नवीना सप्लायर्सले अनुगमनमा सहयोग नगरेको भन्दै उपभोक्ता संरक्षण ऐन २०७५ को दफा ३८ (ड) को कसुर र सोही ऐनको दफा ३९ को १ (ङ) बमोजिम कारबाही गरिएको विभागले जनाएको छ ।
यस्तै विभागले अनुगमन गरेकामध्ये ११ उद्योगलाई व्यवसायसँग सम्बन्धित कागजात लिएर ३ दिनभित्र विभागमा उपस्थित हुन निर्देशन दिएको छ ।
विभागले गत मंगलबार पनि ४ उद्योगलाई ३ लाख ७५ हजार रुपैयाँ जरिबाना तिराएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4