काकाकुल मधेशमा आशाका पोखरी (तस्वीरहरू)

महोत्तरीको बर्दिबास नगरपालिका–३स्थित जरायोझोरा सामुदायिक वनमा निर्माण भएको संरक्षण तथा पुनर्भरण पोखरी ।

१० असार, काठमाडौं । यतिबेला मधेश प्रदेश खडेरीको मारमा छ । खेतमा रोपेको धान सुक्न थालेको छ । जमिनमा धाँजा फाटेको छ । सरकारले नै विपद् संकटग्रस्त घोषणा गरेको छ । अवस्था अध्ययन गर्न भन्दै प्राविधिक टोली पनि परिचालन गरिएको छ ।

यसैबीच हिजो मात्रै प्रधानमन्त्री केपी शर्मा ओलीले मधेशका केही क्षेत्रको हवाई अवलोकन समेत गरेका थिए ।

यस्तो संकटग्रस्त अवस्थामा अहिले मधेश प्रदेशमा रहेका संरक्षित पोखरीहरूको महत्व बढेको छ ।

विशेषगरी चुरे क्षेत्रका संरक्षित प्राकृतिक तालतलैया र बायो इन्जिनियरिङ पद्धतिबाट वर्षामा बगेर जाने पानी संरक्षण गरेर राखिएका स्रोतहरूमा स्थानीयको ध्यान जान थालेको छ ।

महोत्तरीको जरायो झोडास्थित चरिचरनबाट जोगाएर राखिएको प्राकृतिक पोखरी ।

मधेशमा चुरे क्षेत्रका प्राकृतिक र कृत्रिम सानाठूला गरी २०० बढी संरक्षण पोखरी निर्माण भएका छन् ।

नेपालभरको चुरे क्षेत्रमा कति यस्ता पोखरी छन् भन्ने यकिन तथ्यांक भने छैन ।

भूमिगत पानीको सतह घट्दै गएपछि त्यसको परिपूर्ति गर्न राष्ट्रपति चुरे तराई मधेश संरक्षण विकास समितिले र अन्य पर्यावरण संरक्षणमा लागेका संघसंस्थाहरूसँग मिलेर चुरे क्षेत्रमा जल पुनर्भरण पोखरी निर्माण गर्दै आएका छन् ।

अत्यधिक चुरे दोहनको साथै जलवायु परिवर्तनको असर मुख्य रूपमा पानीमा देखिएकाले भविष्यमा तराईका जिल्लामा पानीको चरम अभाव हुन नदिन चुरे क्षेत्रमा जल पुनर्भरण पोखरी निर्माण गरिएको हो ।

न्युज एजेन्सी नेपालले कैद गरेका प्राकृतिक र कृत्रिम पोखरीका केही तस्वीरहरू हामीले यहाँ प्रस्तुत गरेका छौं: