१३ भदौ, काठमाडौं । सरकारका प्रवक्ता एवम् सञ्चार तथा सूचना प्रविधिमन्त्री पृथ्वीसुब्बा गुरुङले मुलुकमा अस्थिरता कायम भयो भनेर निर्वाचन प्रणालीलाई मात्रै दोष दिन नहुने बताएका छन् ।
निर्वाचन प्रणालीका कारण मात्रै नभइ दलहरुको कारणले राजनीतिक अस्थिरता हुने गरेको उनले बताए ।
आदिवासी जनजाति उत्थान राष्ट्रिय प्रतिष्ठानले शुक्रबार काठमाडौंमा आयोजना गरेको कार्यक्रममा गुरुङले बाह्य शक्तिको हस्तक्षेपले समेत मुलुकमा अस्थिरता हुने गरेको बताए ।
दलहरु मिलेर काम गर्न सके जस्तो प्रणाली भएपनि स्थीरता कायम हुन सक्ने धारणा राखे । प्रणालीको सुधार गर्नुभन्दा पहिले दलहरुको कार्यशैली सुधारको आवश्यकता रहेको उनले उल्लेख गरे ।
गुरुङले संविधान संशोधन गर्दा पूर्ण समानुपातिक प्रणाली जानुपर्ने धारणा राखे । पूर्ण समानुपातिक प्रणालीमा जान सके निर्वाचनमा नाममा हुने खर्च समेत नियन्त्रण हुने उनको विश्वास छ ।
उनले आदिवासी जनजातिलाई संविधानले दिएको अधिकार कार्यान्वयनमा सरोकारवाला निकायहरु गम्भीर हुनुपर्ने समेत बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
Insert%20Rename%20Macros.jpeg "House for Sale at Imadol")
प्रतिक्रिया 4