तालिबानले २ दिनमै खुलायो इन्टेरनेट सेवा, अफगान नागरिकले मनाए खुशी

News Summary

Generated by OK AI. Editorially reviewed.

तालिबान सरकारको आदेशमा १६ असोजमा अफगानिस्तानमा इन्टरनेट र फोन सेवा दुई दिनपछि पुनः सुरु गरिएको छ।
नेटब्लक्सले इन्टरनेटको आंशिक पुनःस्थापना भएको जनाएको छ र सेवा प्रदायकहरूले बिस्तारै सेवा सुचारू गरिरहेका छन्।
तालिबान सरकारले इन्टरनेट बन्द हुँदा व्यापार, उडान र आपतकालीन सेवा अवरुद्ध भएको र महिला तथा केटीहरू अझ अलग-थलग पर्न सक्ने चिन्ता बढेको बताइएको छ।

१६ असोज, काठमाडौं । तालिबान सरकारको आदेशमा दुई दिनपछि अफगानिस्तानमा इन्टरनेट र फोन सेवाहरू पुनः सुरु गरिएको छ।

बीबीसीका अनुसार, सेवाहरू पुनः सञ्चालनमा आएसँगै धेरै स्थानमा मानिसहरू सडकमा निस्किएर खुशी मनाएका छन् ।

स्थानीय पत्रकारहरूका अनुसार इन्टरनेट सेवा प्रदायकहरूले बिस्तारै इन्टरनेट सेवा सुचारू गरिरहेका छन् । इन्टरनेट निगरानी समूह नेटब्लक्सले अहिले मात्र ‘आंशिक पुनःस्थापना’ भएको जनाएको छ ।

तालिबान सरकारको एक स्रोतलाई उद्धृत गर्दै बीबीसले जनाएअनुसार, प्रधानमन्त्रीको आदेशमा इन्टरनेट पुनः सुरु गरिएको हो। इन्टरनेट सेवाको ४८ घन्टे बन्दका कारण व्यापार, उडान र आपतकालीन सेवाहरू अवरुद्ध भएका थिए।

यससँगै, तालिबान सरकारको यस निर्णयले महिला र केटीहरू अझ बढी अलग-थलग पर्न सक्ने चिन्ता पनि बढेको थियो ।

सन् २०२१ मा पुनः सत्तामा फर्किएको तालिबान सरकारले महिलाहरूका लागि धेरै कडा नियमहरू लगाएको छ।