तिहारपछिको सेयर बजार : प्रारम्भिक कारोबारमा घट्यो नेप्से

News Summary

Generated by OK AI. Editorially reviewed.

तिहारपछि खुलेको सेयर बजारको नेप्से परिसूचक पहिलो एक घण्टामा २५.५२ अंक घटेर २४७८ मा कायम भएको छ।
पहिलो एक घण्टामा २६ कम्पनीको मूल्य बढ्दा १९८ को घटेको र ९ को स्थिर रहेको छ।
सबै सेक्टरका सूचक घटेका छन्, होटल तथा पर्यटन २ प्रतिशतभन्दा धेरै र विकास बैंक, फाइनान्स, हाइड्रोपावर समूह १ प्रतिशतभन्दा धेरै घटेका छन्।

९ कात्तिक, काठमाडौं । तिहारपछि खुलेको सेयर बजार प्रारम्भिक कारोबारका क्रममा घटेको छ । पहिलो एक घण्टामा नेप्से परिसूचक २५.५२ अंक घटेको छ ।

सो गिरावटसँगै नेप्से २४७८ मा कायम भएको छ । पहिलो एक घण्टासम्म २६ कम्पनीको मूल्य बढ्दा १९८ को घटेको छ भने ९ को स्थिर छ । यतिबेलासम्म जम्मा ६० करोड ६२ लाख रुपैयाँको कारोबार भएको छ ।

सबै सेक्टरका सूचक घटेका छन् । होटल तथा पर्यटन २ प्रतिशतभन्दा धेरै घटेको छ । विकास बैंक, फाइनान्स, हाइड्रोपावर, निर्जीवन बीमा, लगानी तथा माइक्रोफाइनान्स समूह १ प्रतिशतभन्दा धेरै घटेका छन् ।

उन्नति सहकार्य लघुवित्तको मूल्य सबैभन्दा धेरै २.२ प्रतिशत बढेको छ । त्यस्तै तारागाउँ रिजेन्सी (हायात होटल)को मूल्य सबैभन्दा धेरै ९.७ प्रतिशत घटेको छ । भगवती हाइड्रोपावरको ८, हिमालयन पावर पार्टनरको ८ तथा एसियन हाइड्रोपावरको ६ प्रतिशत मूल्य घटेको छ ।

पहिलो एक घण्टासम्म धेरै कारोबार भएका कम्पनीमा नारायणी डेभलपमेन्ट बैंक, शिवम् सिमेन्ट, हिमालयन डिस्टिलरी, युनियन हाइड्रोपावर र हिमालयन पावर पार्टनर छन्।