२०८२ कात्तिक १३ गते ८:१० 
News Summary
Generated by OK AI. Editorially reviewed.- इंग्लिस फुटबल लिग कपको चौथो चरणमा लिभरपुल क्रिस्टल प्यालेससँग ३-० ले पराजित हुँदै बाहिरिएको छ।
- टोटनहाम प्रिमियर लिगकै न्युकासलसँग २-० ले पराजित हुँदै इएफएल कपबाट बाहिरिएको छ।
- चेल्सी, म्यान्चेस्टर सिटी र आर्सनलले क्रमशः वुल्भ्स, स्वान्सी र ब्राइटनलाई पराजित गर्दै अन्तिम ८ मा प्रवेश गरेका छन्।
१३ कात्तिक, काठमाडौं । प्रिमियर लिगको साविक विजेता टोली लिभरपुलको खराब लय कायमै रहँदा इंग्लिस फुटबल लिग (इएफएल) कपको चौथो चरणबाटै बाहिरिएको छ ।
गएराति भएको खेलमा दोस्रो रोजाइको टोली उतारेको लिभरपुल प्रिमियर लिगकै क्रिस्टल प्यालेससँग ३-० गोलअन्तरले पराजित भएको हो । प्यालेसको जितमा इस्माइल सारले २ गोल गर्दा येरेमी पिनोले १ गोल गरे ।
खेलको ४१औं र ४५औं मिनेटमा सारले गोल गर्दै प्यालेसलाई पहिलो हाफमा २-० ले अगाडि राखे । ७९औं मिनेटमा लिभरपुलका अमारा नालोले रातो कार्ड पाएपछि लिभरपुल अन्तिम समयमा १० खेलाडीमा सीमित भएको थियो ।
८८औं मिनेटमा पिनोले गोल गर्दै प्यालेसको ३-० को जित पक्का गरे ।
यस्तै टोटनहाम पनि प्रिमियर लिगकै न्युकासलसँग २-० ले पराजित हुँदै बाहिरिएको छ ।
चेल्सीले वुल्भ्सलाई ४-३ गोलअन्तरले हरायो भने म्यान्चेस्टर सिटीले स्वान्सीलाई २-१ तथा आर्सनलले ब्राइटनलाई २-० ले हराएर अन्तिम ८ मा प्रवेश गरेका छन् ।
प्रतिक्रिया 4