कुमारी बैंकको निष्क्रिय कर्जा करिब ७ प्रतिशत

News Summary

Generated by OK AI. Editorially reviewed.

कुमारी बैंकको निष्क्रिय कर्जा असोज मसान्तसम्म ६.९८ प्रतिशत पुगेको छ, जुन गत वर्षको ४.९६ प्रतिशतभन्दा बढेको हो।
बैंकको चालु आर्थिक वर्षको पहिलो त्रैमासमा खुद नाफा १ अर्ब ५ करोड रुपैयाँ रहेको छ, जुन गत वर्षको १ अर्ब ७ करोड रुपैयाँभन्दा २ प्रतिशत कम हो।
बैंकको वितरणयोग्य नाफा ३ अर्ब ९१ करोड रुपैयाँ ऋणात्मक छ, जसको कारण साँवा तथा ब्याज असुली हुन नसक्नु हो।

२१ कात्तिक, काठमाडौं । कुमारी बैंकको निष्क्रिय कर्जा बढेको छ ।

बैंकले सार्वजनिक गरेको चालु आर्थिक वर्षको पहिलो त्रैमासिक वित्तीय विवरणअनुसार कुल कर्जामा निष्क्रिय कर्जाको अंश असोज मसान्तसम्म ६.९८ प्रतिशत पुगेको छ । गत वर्षको यसै अवधिमा यस्तो कर्जा ४.९६ प्रतिशत थियो ।

बैंकको खुद नाफा २ प्रतिशत घटेको छ । पहिलो त्रैमासमा बैंकले १ अर्ब ५ करोड रुपैयाँ खुद नाफा कमाएको छ । गत वर्षको यसै अवधिमा यस्तो नाफा १ अर्ब ७ करोड रुपैयाँ थियो ।

वितरणयोग्य नाफा ३ अर्ब ९१ करोड रुपैयाँ ऋणात्मक छ । बैंकको साँवा तथा ब्याज असुली हुन नसक्दा वितरणयोग्य नाफा ऋणात्मक हुनुका साथै निष्क्रिय कर्जा बढेको देखिन्छ ।

खुद ब्याज आम्दानी ३.७७ प्रतिशत बढेको छ । यस्तो आम्दानी पहिले २ अर्ब ८० करोड रुपैयाँ रहेकोमा अहिले २ अर्ब ९१ करोड रुपैयाँ छ । बैंकको वार्षिक प्रतिसेयर आम्दानी १६.११ रुपैयाँ छ । त्यस्तै प्रतिसेयर नेटवर्थ १४५.२१ रुपैयाँ छ । हाल बजारमा सेयर मूल्य प्रतिकित्ता १८५.४० रुपैयाँ छ ।