एलिनाले घोषणा गरिन् ‘क्यानडा टूर’, ४ सहरमा दिनेछिन् प्रस्तुति

News Summary

Generated by OK AI. Editorially reviewed.

गायिका एलिना चौहानले २३ डिसेम्बरबाट क्यानडाको क्याम्ब्रिजबाट सांगीतिक टूर सुरु गर्ने घोषणा गरेकी छन्।
उनको क्यानडा टूर २६ डिसेम्बर एडमन्टन, २७ डिसेम्बर क्यालगरी र ३१ डिसेम्बर टोरन्टोमा प्रस्तुति रहनेछ।
एलिनाको क्यानडा टूर आँगन इभेन्ट्सले आयोजना गरेको हो र उनले सामाजिक सञ्जालमार्फत जानकारी गराएकी छन्।

काठमाडौं । गायिका एलिना चौहान अब अमेरिकापछि क्यानडामा गुञ्जिने भएकी छन् । बुधबार उनले औपचारिकरुपमा क्यानडामा सांगीतिक टूरको घोषणा गरेकी छन् ।

अंग्रेजी नयाँवर्ष २०२६ को छेकोमा हुन लागेको यो उत्तर अमेरिकी टूरलाई लिएर एलिना उत्साहित सुनिएकी छन् ।

उनको टूर २३ डिसेम्बरमा नायगरा फल्ससँग जोडिएको रमणीय क्यानडेली सहर ओन्टारियाको क्याम्ब्रिजबाट सुरु हुनेछ ।

२६ डिसेम्बरमा एडमन्टन, २७ डिसेम्बरमा क्यालगरी, ३१ डिसेम्बरमा टोरन्टोमा उनले प्रस्तुति दिने तय छ । यसको जानकारी एलिनाले सामाजिक सञ्जालमार्फत गराएकी छन् ।

एलिनाको क्यानडा टूरको आयोजना आँगन इभेन्ट्सले गरेको हो । एलिनाले हालै एक महिना लामो सांगीतिक टूरमा भाग लिएकी थिइन्, जुन विवादले घेरिएको थियो ।