१४ मंसिर, काठमाडौं । नेकपा एमालेको एघारौं महाधिवेशन प्रतिनिधि चयन निर्वाचनमा कैलालीको धनगढी उपमहानगरपालिका उपमेयर कन्दकला कुमारी राना पराजित भएकी छन् ।
उनी कैलाली क्षेत्र नम्बर ५ बाट महिला क्लस्टरबाट उम्मेदवार थिइन् ।
अम्बिका विष्ट (मल्ल) ५९१ मतसहित र रुकमणी देवकोटा ५७१ मतसहित महाधिवेशन प्रतिनिधि निर्वाचित हुँदा उपमेयर रानाले ३८३ र अर्की उम्मेदवार उम्मेदवार जानकी चौधरीले ४४५ मत मात्र पाए ।
कैलाली क्षेत्र नम्बर ५ बाट खुलातर्फ धर्मराज पाठक, नेपालु चौधरी, विष्णुकुमार चन्द र यज्ञराज ढुंगाना महाधिवेशन प्रतिनिधि चयन भएका छन् ।
युवातर्फबाट तिर्थराज भट्टराई चयन भएका छन् ।
कुल तीन हजार आठ सय ४३ मतदाता रहेको कैलाली क्षेत्र नम्बर ५ मा एक हजार एक सय ४७ मत खसेको थियो ।
सहमतिमा प्रतिनिधि चयन नहुने भएपछि नेताहरुले प्यानल नै बनाएर प्रतिस्पर्धा गरेका थिए । पोलिटब्युरो सदस्य एवम् कैलाली इन्चार्ज नारदमुनी राना र जिल्ला अध्यक्ष यज्ञराज ढुंगानाले दुई समूह बनाएर प्रतिस्पर्धा गरेका थिए । अध्यक्ष ढुंगाना पक्षले क्लीन स्वीप गरेपछि इन्चार्ज राना पक्षीय सबै उम्मेदवार पराजीत भएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Luxurious House on sale at Ochu Height, Imadol")
.jpg "Apartment for rent in Grande Tower")
.jpg "House for sale at Tikathali")
प्रतिक्रिया 4