‘अवतार ३’ ले विश्वभर ३६५ मिलियन डलर ओपनिङ गर्ने प्रक्षेपण

Listen News

0:00

0:30

🔊

News Summary

Generated by OK AI. Editorially reviewed.

जेम्स क्यामरुन निर्देशित फिल्म 'अवतार : फायर एन्ड यश' ले पहिलो सप्ताहन्तमा विश्वव्यापी ३६५ मिलियन डलर कमाउने प्रक्षेपण गरिएको छ।
फिल्मले उत्तर अमेरिकामा पहिलो भागको ७७ मिलियन डलर ओपनिङलाई उछिन्न सक्ने तर दोस्रो भागको १३४ मिलियन डलर ओपनिङभन्दा कम रहने अपेक्षा गरिएको छ।
नेपालमा फिल्मले रिलिजअघि ७० लाख हाराहारी अग्रिम टिकट बिक्री गरेको र पहिलो सप्ताहन्तमा सुखद कमाइ गरेको अनुमान छ।

लस एन्जलस । जेम्स क्यामरुन निर्देशित फिल्म ‘अवतार : फायर एन्ड यश’ ले पहिलो सप्ताहन्त विश्व बक्सअफिसमा उछाल ल्याउने देखिएको छ । भेराइटीका अनुसार फिल्मले पहिलो सप्ताहन्त विश्वव्यापी ३६५ मिलियन डलर ओपनिङ गर्ने प्रक्षेपण गरिएको छ ।

डिज्नीको विज्ञान कथामा आधारित फिल्मको तेस्रो सिक्वेलले शुक्रबार उत्तर अमेरिकास्थित ३,८०० थिएटरबाट ३६.५ मिलियन डलर कमाइ गरेको छ । आइतबारसम्म उत्तर अमेरिकामा ८५ देखि ९० मिलियन डलरसम्म कमाइ गर्ने अनुमान छ ।

फिल्मले उत्तर अमेरिकामा पहिलो भागको कमाइ (७७ मिलियन डलर) को ओपनिङलाई उछिन्न सक्ने प्रक्षेपण गरिएको छ । तर, दोस्रो भागको ओपनिङ कमाइ १३४ मिलियन डलरभन्दा तलै रहने अपेक्षा छ ।

ओपनिङ ठीकठाक रहेपनि अघिल्ला दुवै फिल्मले २ बिलियन डलरभन्दा धेरै कमाइ गरेका छन् । पहिलो भागले २.९२ बिलियन डलर कमाउँदै सर्वाधिक कमाउने सर्वकालिन फिल्मको कीर्तिमान राखेको छ ।

“अवतार : फायर एण्ड एश’ ले जेक सुली (स्याम वर्थिंगटन), नेटिरी (जो साल्दाना) र उनीहरूको परिवारलाई पछ्याउँछ जब उनीहरू एक अत्याचारी आगोले भरिएको शत्रुसँग लड्छन् ।

यो फिल्मले नेपालमा समेत पहिलो सप्ताहन्तमा सुखद कमाइ गरेको अनुमान छ । फिल्मले रिलिजअघि नेपालमा ७० लाख हाराहारीमा अग्रिम टिकट बिक्री गरेको थियो ।