आउने सातादेखि ‘हल्का रमाइलो’ र ‘जुठे’ प्रसारण नियमित हुने

Listen News

0:00

0:30

🔊

News Summary

Generated by OK AI. Editorially reviewed.

निर्देशक बल्छी धुर्बेको टिभी श्रृंखला 'जुठे' आगामी सातादेखि नियमित प्रसारण हुने भएको छ।
ओएसआर डिजिटलले सिरियलको १३५ औं भाग आउन नसकेकोमा माफी माग्दै नियमित प्रसारण हुने जानकारी गराएको छ।
बल्छी धुर्बेले 'गोबर गणेश'मा ब्यस्तताका कारण नयाँ एपिसोड आउन नसकेको र अर्को सातादेखि 'जुठे' र 'हल्का रमाइलो' आउने बताउनुभयो।

काठमाडौं । मरिचमान श्रेष्ठ ‘बल्छी धुर्बे’ यतिबेला आफ्नो डेब्यू निर्देशकीय र अभिनित कथानक फिल्म ‘गोबर गणेश’ को प्रचारप्रसारमा ब्यस्त छन् । यो फिल्मले घरेलु बक्सअफिसमा सुखद ब्यापार गरिरहेको छ ।

यसबीचमा उनको निर्देशन र लेखन रहेको टिभी श्रृंखला ‘जुठे’ दर्शकमाझ आउन सकिरहेको थिएन ।

अब भने, दर्शकले बल्छी धुर्बेको निर्देशन र अभिनय रहेको उक्त श्रृंखलालाई आउने सातादेखि नियमितरुपमा हेर्न पाउने भएका छन् । यो सिरियलको स्ट्रिमिङ अधिकार लिएको कम्पनी ओएसआर डिजिटलले सूचना जारी गर्दै आउने सातादेखि नियमित प्रसारण हुने जनाएको छ ।

सिरियलको १३५ औं भाग विशेष कारणवश आउन नकसेकोमा माफी माग्दै ओएसआरले दर्शकसामु अबदेखि भने नियमित हुने प्रष्टीकरण दिएको हो ।

‘आगामी हप्तादेखि सँधैझैं निर्धारित समयमै नियमित रुपमा प्रसारण हुने जानकारी गराउँछौ । यहाँहरूको निरन्तर माया, विश्वास र साथप्रति हार्दिक धन्यवाद’ ओएसआरले सूचनामा उल्लेख गरेको छ ।

निर्देशक तथा कलाकार बल्छी धुर्बेले आफूहरू ‘गोबर गणेश’मा ब्यस्त भएकाले छायांकन थलोमा जान नसकेकाले नयाँ एपिसोड आउन नसकेको बताए । अर्को सातादेखि जुठे र हल्का रमाइलो दुवै सिरियल आउने उनको भनाइ छ ।